ལྡོང་ཡོན་ཏན་རྒྱ་མཚོ། དཀར་དམར་མེ་ཏོག་བཞད་སའི་གནས་མཆོག་དེར།།ད་ལྟ་ད་རུང་ཁ་བ་འབབ་ལགས་སམ།།རྩི་ཤིང་ནགས་ཚལ་ལྡེམ་པའི་ལུང་གཤོང་དེར།།ད་ལྟ་ད་རུང་བུ་ཡུག་འཚུབ་ལགས་སམ།། རྨ་ཀླུང་ལྷོད་ཀྱིས་འབབ་པའི་ཁུགས་སོ་དེར།།ད་ལྟ་ད་རུང་ཐལ་རྡུལ་འཕྱུར་ལགས་སམ།།འདབ་ཆགས་གྲེ་འགྱུར་སྙན་སའི་གླིང་ག་དེར།།ད་ལྟ་ད་རུང་འུག་སྐད་སྒྲོག་ལགས་སམ།། ཤེས་རིག་དགའ་སྟོན་དར་བའི་ཁོར་ཡུག་དེར།།ད་ལྟ་ད་རུང་བཀའ་ཆད་འབེབ་ལགས་སམ།།ཡང་དག་གཟུངས་གཞུག་འཇོག་སའི་དཀྱིལ་འཁོར་དེར།།ད་ལྟ་ད་རུང་སྒོ་ཟ་བརྒྱབ་ལགས་སམ།། མི་ལོ་སུམ་ཅུའི་གཏམ་

དགེ་བཤེས་ཚུལ་ཁྲིམས་བསྟན་འཛིན།མཁྱེན་པ་མཐའ་བྲལ་ཀུན་གསལ་ཡངས་པོ་ལས།།བརྩེ་ཆེན་ཉི་མ་འབར་བའི་གཟི་བྱིན་གྱིས།།ནུས་པའི་ཤུགས་དང་འོད་ཀྱི་མདངས་སྐྱེད་ལ།།དཀའ་སྡུག་མུན་པ་སོལ་ཅིག་རྩ་གསུམ་ལྷ།། དགྲ་ཡིས་གཉའ་བ་མནན་པའི་ཟིལ་ཤུགས་དང་།།དགུན་གྱི་གྲང་ངར་འཐིབས་པའི་གཞིས་ཀ་དེར།།རང་བྱུང་འབྱུང་བའི་གོད་ཆགས་རྩུབ་མོ་དེ།།སྐྲང་གི་ཐོག་ལ་ཁུ་ཚུར་བསྣུན་པའི་དཔེ།། ཐོས་པའི་གཏམ་དེས་མགོ་བོ་ན་རུ་བཅུག །མཐོང་བའི་བརྙན་དེས་སེམས་པ་འཁྱག་ཏུ་བཅུག །མི་ནོར་ཟས་གསུམ་བརླགས་པའི་གོད་ཆགས་ལ།།གདུང་སེམས་མཉམ་སྐྱེད་ཡོད་དོ་

འབྲོང་། དོ་ནུབ་ང་ཁྱེད་ཚོ་དང་སྤྱི་ལེ་ཉིས་སྟོང་ལྔ་བརྒྱའི་ས་མཚམས་ཀྱི་ཨ་མདོ་ན་ཡོད། ངས་ནམ་མཁའི་སྐར་ཚོགས་ལ་ཅེར་ནས་མིག་ཆུ་རྡོག་གཅིག་འཕེན་པ་ལས་ཅི་ཞིག་ནུས་ཨང་། ངས་སྟོང་བའི་མཁའ་དབྱིངས་ལ་ཅེར་ནས་སྐྱབས་འཇུག་ཐེངས་ཤིག་ཞུ་བ་ལས་ཅི་ཞིག་འཇོན་ཨང་། ཡིན་ན་ཡང་། ངས་མཚོ་འཕང་ལྔ་སྟོང་གི་ས་བབས་དེ་མཐོང་ཡོང་གིན་འདུག རྐང་ལ་ཟུག་ཡོང་བའི་གྲང་ངར་གྱི་རྣོ་དབལ་དེ་ཚོར་ཡོང་གིན་འདུག མཁར་ཆག་གྱང་ཆག་འོག་ན་ད་དུང་སྐྲག་དངངས་ཀྱིས་ཅེར་བའི་མིག་ཟུང་དེ་དག་མཐོང་ཡོང་གིན་འདུག ས་ཉིལ་རྡོ་ཉིལ་དུ་སོང་བའི་ཁང་ཁྱིམ་ར

རྫོགས་ཆེན་པདྨ་སྐལ་བཟང་།ཡ་ང་འཇིག་རྟེན་ཕྱི་མའི་རླུང་སྒྲ་ཡིས་བསུས་པའི།།མ་འགྲིས་གྲོགས་ཀྱི་ངུ་ངག་དབྱངས་རྟ་ཡིས་བསྐུལ་ཏེ།།གཟན་ཤམ་དམར་པོའི་འོག་གི་སྐྱོ་གདུང་གི་ར་མདའ།།མི་མངོན་དབྱིངས་ན་བཞུགས་པའི་མཆོག་གསུམ་ལ་སྦྲན་ཡོད།། ཀྱེ་མ་དབང་མེད་འཇིག་རྟེན་འདིར་སྣང་ལས་བརྒལ་བའི།།ལས་རླུང་རྗེས་འགྲོ་ཉམ་ཆུང་མགོན་མེད་ཀྱི་བུ་ལ།།བྱམས་ཆེན་མགོན་གྱི་ཐུགས་རྗེའི་ཕྱག་རིང་ཞིག་བརྐྱངས་ནས།།འཇིགས་རུང་དུཿ ཁའི་གནས་ལས་ད་ལྟ་རང་སྐྱོབས་ཤིག། གངས་འདབས་དབེན་པའི་རི་ནས་བསྲིངས་པ་ཡི་ཡིག་ཆུང་།།བར་དོའི་མུན་ནག་འཐིབ

གཉན། ལན་དུ་ཨ་ཚ་མི་གསུང་བའི་ཁྱོད་ཉིད།འདི་ནས་ཤུལ་མེད་དུ་གྱུར་འགྲོ་ནའང་། མཐའ་མཇུག་གི་གདམ་ང་ནི། སྔར་བཞིན་འདི་ན་ཡོད་དོན་ཅི། ལན་དུ་སྐད་ཆ་མི་སྟེར་བའི་ཁྱོད་ཉིད། རི་རྩེ་འདི་ལ་བསླེབས་ཐུབ་པ་ནི། དག་ཞིང་སྔས་སུ་བྱས་ནས། རྨི་ལམ་ནང་དུ་གཟིམས་སོང་བ་དང་ཅི་ཁྱད། བོད་མི། བོད་མི། ཚེ་རིང་གནམ་གྱི་ཤེ་མོང་གི་སྐྱེ་བ། དོན་དུ་ཁྱེད་ཀྱི་རྣམ་ཤེས་ཀྱི་ཕ་རྒན་སུ་ཞིག་ཡིན་ནམ། དཔུང་སྡེ། དཔུང་སྡེ་བྱས་ནས་འཁོར་འོང་བའི་བྱ་རྒོད་དག་གིས། འུ་ཚོའི་ཡབ་མེས་ཀྱི་ཞལ་ཆེམས་བཞེས་ནས། འུ་ཚོ་དང་འགྲོགས་དགོས་དོན་ཅི། བ

རྨེ་སྤྲུལ་བསྟན་འཛིན་རྒྱ་མཚོ།  འགྲོ་བའི་བསོད་ནམས་མར་ངོའི་ཟླ་བའི་དུས་ཀྱི་འཁོར་ལོའི་དཀྱོགས་མཚམས་ན།།ཀླ་ཀློོའི་དམག་གི་གཡོ་རླབས་འཁྲུགས་པས་རང་བསྟན་ཡིད་འོང་མེ་ཏོག་ཚལ། །ཁྱུར་མིད་བྱས་པའི་ལོ་རྒྱུས་བསམ་བཞིན་དགོན་གོག་ཞིག་རོའི་རྩིག་རྨང་སྟེང་། །གཡོ་མེད་འགྲེང་སྟེ་ཕྱིར་དྲན་ཀློང་ནས་སྔོན་བྱུང་ཆོས་སྲིད་ཆགས་འཇིག་གླེངས། ། གནའ་ཞིག་མཆོག་གསུམ་བླ་མར་བྱེད་པ་ཡི། །པཱ་ལའི་རྒྱལ་རབས་མངའ་ཐང་དར་བའི་དུས། །ཡུལ་འདི་རྟེན་གསུམ་ལྷ་ཁང་འབུམ་ཕྲག་གིས། །ཕྱུར་བུར་གཏམས་པའི་བདེན་དཔང་གཟུགས་ཅན་བཞིན།

ཟླ་བ་གོར་བས་ཅི་ཞིག་ཕན་ཏེ་ཁྱོད་ཀྱིས་མཐོང་བ་མི་སྲིད་དོ། །བསིལ་ཟེར་འཇམ་པས་ཅི་ཞིག་ཡོད་དེ་ང་ཡི་སེམས་ལ་རྩུབ་པའོ། །མི་རྣམས་སྨྱོ་ཞིང་གཅིག་ཏུ་འཛོམས་ཏེ་གད་མོའི་དགོད་སྒྲ་སྒྲོག་པའོ། །ང་ནི་སྐྱོ་ཞིང་ཁེར་བུར་རྒྱུ་སྟེ་ཁྱོད་ཀྱི་གདོང་བ་དྲན་པའོ། །འཇིག་རྟེན་ཟེར་ན་འདི་ཙམ་ཡིན་ཏེ་ཁྲེལ་དང་ཕྱི་ཐག་མི་བརྩིའོ། །མི་ཡི་ལུས་ལ་ཟོག་གི་སྙིང་ཅན་བདེན་པའི་བུ་ལ་བཀུར་བའོ། །བདེན་པ་ཟེར་བ་འདི་ཙམ་ཡིན་ཏེ་རྟོགས་པའི་མི་དེ་མི་འཇིགས་སོ། །རྒྱུ་འབྲས་ཟེར་བ་འདི་ཉིད་ཡིན་ཏེ་མུན་པ་འཇོམས་པའི་སྣང་བའོ། །ཁྱོད་རང་ཚ

མཁན་ཆེན་འཆི་མེད་རིག་འཛིན་གྱིས་མཛད། ༼མྱང་ཚ་དཀར་རྒྱན།༽མྱང་ཚ་དཀར་རྒྱན་རང་ལོ་ཉེར་བཞི་ཡིན་དུས། །ཐོས་པ་དགའ་བའི་སྐྲ་མདོག་ཁམ་སེར་ཡིན་དུས། །ཕ་ཡབ་ཤེས་རབ་རྒྱལ་མཚན་གློ་བུར་ཤི་བ། །ལོ་རྒྱུས་རྣམ་ཐར་སྙན་མོའི་འཇའ་སྣེ་ཟུག་ས། ། འབྱོར་ཕྱུག་མཐོན་པོའི་ས་ནས་སྤྲང་པོར་གྱུར་ཏེ། །ཟས་གོས་ཁ་མདོག་སྡུག་པའི་མྱང་ཚ་དཀར་རྒྱན། །ལ་སྟོད་གུང་ཐང་ཡུལ་གྱི་སྡེ་བའི་ཟུར་ན། །བྱང་མཐའི་སྐྱ་འོད་ནང་གི་སྐར་ཆུང་ཁེར་འདུག ། མཐོན་པོའི་མཁའ་ལ་བཀྲ་བའི་སྐར་ཚོགས་དེ་ཚོའི། །འཆར་ནུབ་དུས་ཀྱི་རིམ་པ་གྲངས་མང་འདས་ཀྱང་། །སྐ

༼༡༽དམར་ཆུང་སེམས་པ་གཙང་པོའི་ཆུ་ལ་བསྐྱུར།།རྒྱ་སེའི་མེ་ཏོག་ཐལ་བའི་གསེབ་ཏུ་བོར།།གནག་སྣུམ་སྐྲ་ལོ་རལ་གྲིའི་ཟས་ལ་བྱིན།།འཁོར་བའི་ཆོས་ལ་བཞི་ཤད་རྫོགས་ཚིག་བྲིས། ༼༢༽གྱེས་ཁའི་ཕྱི་མིག་མདུན་ནས་རྒྱབ་ཏུ་འཕངས།།ཕ་ཡུལ་རི་ལྗོངས་ན་བུན་གསེབ་ཏུ་བསྐྱུར།།ན་གཞོན་ང་དང་སྟོན་གྱི་ཤིང་ལོ་གཉིས།།ལས་ཀྱི་རླུང་གིས་ཕྱོགས་མེད་གནས་སུ་སྤུར།། ༼༣༽ནུབ་ཁའི་ཉི་འོད་གསེར་ཏོག་ངོས་སུ་འཁྱུད།།བྱེའུ་ཆུང་འཇོལ་མོ་བྱ་འདབས་པང་དུ་བསྙེགས།།དགུང་ཁའི་གཟིམ་དུང་དལ་གྱིས་གཉིད་དུ་ཡུར།།ལྷིང་འཇགས་དགོན་པའི་མཚན་མོ་བག་རེ་ཕེབས།

རྨེ་སྤྲུལ་བསྟན་འཛིན་རྒྱ་མཚོས་མཛད། ༼༡༽སྤྲིན་པ་ལོང་ལོང་གསེབ་ནས།།མོག་མོག་ཟླ་བ་མཐོང་ཚེ།།ཡིད་མཁའི་ངོས་སུ་བསྒོམ་པའི།།བླ་མའི་ཞལ་རས་དྲན་བྱུང་།། ༼༢༽མཛེས་སྡུག་ཧ་ལོའི་མེ་ཏོག།དབྱར་ཁའི་སྤང་ནས་མ་བཞད།།མི་སེམས་ལྡུམ་རའི་ནང་ནས།།སྐྱོ་འཛུམ་འདབ་བརྒྱ་གྲོལ་སོང་།། ༼༣༽ལས་དབང་སྐྱི་སེར་རླུང་བུ།།གར་གཡུགས་ས་ཡི་ཕྱོགས་ལ།།སྐྱིད་སྡུག་ལ་ཁའི་དར་ལྕོག།དབང་མེད་ལྷབ་ལྷབ་བསྐྱོད་འགྲོ།། ༼༤༽གཏད་སོ་མེད་པའི་མི་ཚེ།།བར་སྣང་བྱ་སྤུ་རླུང་ཁྱེར།།རླུང་ལ་སེམས་པ་ཡོད་ན།།ཕར་བསྐྱོད་ཚུར་བསྐྱོད་མ་གནང་།། ༼༥༽ཨག་སྐད་ཙི