༄༅། ། རྒྱལ་ཀུན་བརྩེ་བའི་བདག་ཉིད་སྤྱན་རས་གཟིགས།།གཟིགས་པ་དུས་ལས་མི་ཡོལ་འགྲོ་ལ་བརྩེ།།བརྩེ་བའི་བདག་ཉིད་པད་དཀར་འཆང་བའི་དཔལ།།དཔལ་ལྡན་ཐུབ་དབང་གཉིས་པ་ཁྱེད་ཉིད་རྒྱལ།། བྱམས་པའི་སྟོབས་ཀྱིས་དགྲ་གཉེན་མཉམ་པར་གཟིགས།།བརྩེ་བའི་འཛུམས་ཀྱིས་ལུས་ཅན་གཉེན་དུ་བསུས།།མཛད་པའི་མཐུ་ཡིས་ཆེ་རྒུ་མགྲོན་དུ་བཀུག།སྙིགས་དུས་འགྲོ་བའི་དེད་དཔོན་ཁྱེད་མིན་སུ།། ས་ཆེན་གོ་ལ་ཡངས་པོའི་ཁོར་ཡུག་འདིར།།གཟུར་གནས་མཁས་བླུན་ཀུན་ཀྱིས་མགྲིན་གཅིག་ཏུ།།འཇིག་རྟེན་ཞི་བདེའི་བྱེད་པོར་ཡོངས་བསྔགས་པ།།འཕགས་མཆོག་ཕྱག་ན་པད་མོ