ཐུབས་བསྟན་གྲགས་པ།​ཨ་སྔོན་དབྱིངས་སུ་འཇའ་ཡི་གུར་ཁང་བྲིས་ཡོད།།འཇའ་ཡི་རྩེ་ལ་རྒྱལ་མཚན་ནོར་བུས་བརྒྱན་ཡོད།།ཡིད་འོང་གསེར་གྱི་བཞིན་རས་རྣམ་པར་བཀྲ་བའི།།ལྷོ་མཐའི་སྤྲིན་པ་ཡུག་གཅིག་རྒྱང་ལ་བཞུད་སོང་།། རྒྱང་བཞུད་སྤྲིན་པ་སེར་བོའི་འོད་མདངས་རེ་རེས།།སྐྱེ་འགྲོའི་མུན་པ་ཁམ་གཅིག་ཧུབ་ཀྱིས་འཐུང་ཞིང་།།རྡུལ་རླུང་འཚུབ་མའི་ཞིང་འདིར་ཕྱིར་མིག་འཕེན་ཚེ།།ང་ཡི་ཡིད་ཀྱི་མཁའ་ལམ་ཤེད་ཀྱིས་གཤགས་སོང་།། ཤད་ཀྱིས་བཞུར་པའི་སྤྲིན་པ་སེར་བོ་དེ་ཡིས།།འོད་ཀྱི་ཟེར་མ་རེ་རེ་རྗེས་སུ་བསྐྱུར་སོང་།།འོད་མདངས་མག་མོག་