ཞོགས་ལྗང་། སྐད་དང་ཡི་གེ་རང་གི་བླ་སྲོག་ཡིན། ཇི་ལྟར་བསམ་ཡང་མི་སྲིད་པ་ལྟ་བུའི་ལེགས་བཤད་འདིར། ལོ་ངོ་མང་པོའི་རིང་ལ་བསམ་བློ་བཏང་བའི་ཁུལ་ཡིན། ཟུར་དང་སྣེ་མི་འདྲ་བས། ངོས་ཟིན་ཡང་སྣ་ཚོགས་སྐྱེས།སློབ་ཆེན་སྐབས་སུ། སྐད་དང་ཡི་གེ་རང་གི་བླ་སྲོག་ཡིན་མིན་ལ་རྩོད་པ་ཞིག་བྱས། སྐབས་དེར། ཁོ་བོའི་བསམ་ཚོད་ལ། སྐད་དང་ཡི་གེ་ནི་མི་རིགས་ཤིག་གི་རིག་གནས་སྙིང་སྟོབས་དར་སྤེལ་སྔོག་འདོན་གྱི་ལག་ཆ་ཡིན་གྱི། བླ་སྲོག་ཡིན་པའི་དཔེ་མི་འདུག་སྙམ། ནམ་ཞར་ཡང་གྲོགས་པོ་ནང་ཁུལ་ལ་དེ་ལྟར་སྨོས། དགག་པ་གཏོང་བའི་མི་ག