ཀྱེ་ཀྱེ། ཤ་རུས་གདུང་རྒྱུད་གཅིག་པའི་གཞིས་བྱེས་བོད་རིགས་སྤུན་ཟླ་རྣམ་པ་ལགས། ངས་ཁྱེད་ཅག་ཚང་མ་ལ་ཆུ་མོ་ཡོས་ཀྱི་གནམ་ལོའི་རང་ཞལ་གསར་དུ་ཚེས་པ་དང་འབྲེལ་ནས་ལོ་སར་ལ་བཀྲ་ཤིས་བདེ་ལེགས་ཞུ། བླ་མ་ཡི་དམ་དཀོན་མཆོག་གསུམ་གྱི་བྱིན་མཐུ་ལ་བརྟེན་ནས་ད་ནས་བཟུང་བཀྲ་ཤིས་པ་ཐམས་ཅད་སྒྲིབ་གཡོགས་དང་བྲལ་བའི་ཉི་མ་ཇི་བཞིན་རབ་ཏུ་ཤར་བར་ཤོག་ཅིག བཀྲ་མི་ཤིས་པ་མཐའ་དག་ཉི་འོད་དང་འཕྲད་པའི་མུན་པ་ཇི་བཞིན་ལྷག་མ་མེད་པར་ཡལ་བར་ཤོག་ཅིག ཚེ་དང་བསོད་ནམས་སོགས་དབྱར་དུས་ཀྱི་ཆུ་མཚོ་ཇི་བཞིན་གོང་ནས་གོང་དུ་རྒྱས་པར་ཤོག