སྒོ་ཤེས་རབ་རྒྱ་མཚོ།        འུ་ཅག་གིས《ཚད་མ་རྣམ་འགྲེལ》དང་། 《དབུ་མར་འཇུག་པ》《རྩ་བ་ཤེས་རབ》ལྟ་བུར་སློབ་སྦྱོང་བྱེད་ཀྱི་ཡོད་པ་འདི། བླང་དོར་འཇུག་ལྡོག་གི་ཤེས་རབ་རྒྱས་པའི་ཆེད་དུ་ཡིན་པ་རེད། ཐོག་མར་བླང་དོར་གྱི་དབྱེ་བ་ཕྱེ་སྟེ་གཞི་ནས་འཇུག་ལྡོག་བྱེད་པ་ནི་མི་ཚེ་འདིའི་ནང་གི་བྱ་བ་ཆེ་ཆུང་ཐམས་ཅད་ཀྱི་གནས་སྐབས་སུ་ངེས་པར་བརྒྱུད་དགོས་པས། བླང་དོར་གྱི་གནད་མི་འཆུག་པའི་ཕྱིར། ལས་དང་བྱ་བ་གང་དང་གང་གིས་རང་ཉིད་ལ་ཕན་ཐོགས་པ་དང་། གང་དང་གང་གིས་རང་ཉིད་ལ་གནོད་བསྐྱལ་བའི་ཚུལ་ལེགས་པར་ཤེས་དགོས་པ་རེད