དེ་རིང་ནི་ 3.10ཡིན། དེ་རིང་ནི་སྲིན་པོའི་བུ་རྒྱུད་ཅིག་གིས་རང་གཤིས་སྟོན་མྱོང་བའི་ཉིན་མོ་དམར་པོ་ཞིག་གི་སྐྱེ་སྐར་ཡིན། གན་རྒྱ་འདི་དེ་དུས་ཤིག་ནས་ང་ཚོའི་གློ་སྙིང་གི་ཚབ་ཏུ་བཞག་ཡོད། དེ་རིང་ཡང་དེ་བཞིན་ཡིན།  སེམས་ཀྱི་སྐད་ཆ་ཡིན།  བདེན་པའི་ལེགས་སྐྱེས་ཡིན། མི་ལྤགས་རློན་པ་གྱོན་པ་གདོན་འདྲེ་དེས།།ཕ་ཆོས་གསེར་ནག་རལ་གྲི་རུས་བཞིན་འཆོས།།ཡ་ཆུང་སྦྲུལ་གྱིས་ཁེངས་བའི་སྡིག་ཅན་ངའི།།འཁྱར་འཁྱོར་ཁྲག་གི་རྐང་རྗེས་གངས་ལ་འཐེན།།མེས་པོའི་དུར་སྒམ་ཡིན་པའི་གངས

ཐང་ཆེན་ཨ་སྒམ་བརྩེགས་འདྲའི་ཡང་སྟེང་ན།།ཡར་སྐྱེས་རྩི་ཤིང་སྤོས་ཐུར་བཀྲམ་འདྲ་ཡོད།།མར་འབབ་ཆུ་མོ་བདུད་རྩི་རང་འཁྱིལ་ཡོད།།མེས་པོའི་སྨ་ར་ཟགས་སའི་གོ་ཁ་སྟེ།།རི་སྡེ་ཞིག་གི་ཚང་མལ་དྲོད་ལམ་ལམ།། ཉིན་གྱི་ར་ལུག་ཁ་ཞག་གྱི་ལེ་ཡོད།།སྲིབས་ཀྱི་རྟ་ནོར་ཁུ་ཞག་ལྡེམ་མེ་ཡོད།།གཞུང་གི་དུ་འཁྱུག་སྣུམ་འོད་ཤིག་སེ་ཡོད།།ཨ་ཕྱིའི་གཉེར་རིས་ཟབ་མོའི་ཁུག་བར་ན།།རི་སྡེ་ཞིག་གི་རང་དབང་ལྟེམས་ལྟེམས་ཆགས།།ལས་ཀྱི་ལོ་མ་རྙིད་ནས་སེར་ཤང་ཤང་།།བསྲུང་མའི་རྒྱབ་རི་བརྒྱལ་ནས་འདར་ལྷུབ་ལྷུབ།།དམར་པོ་ཁྲག་གི་ལག་པའི་སྦར་མགོ་ན

ཁ་བ།(ནུབ་བྱང) རྩྭ་མགོའི་ཟིལ་བ་གཏོར་བའི་རླུང་དམར་འཕྱོ།།ཁྱི་མགོའི་བ་མོ་གཞོབ་པའི་མེ་ལྕེ་མཆེད།།འབྲོང་གི་ཨ་ར་འཐོར་བའི་ཞོགས་ཀ་དེ།།མཚོན་གྱི་གྲུ་གུའི་གཟེབ་ཀྱི་བརྗེད་བྱང་ཡིན།། མི་ཕྱེད་མཚོན་ལ་བཏབ་པའི་ཁྲག་གི་འཇའ།།རྟ་ཕྱེད་གནང་ལ་བཅད་པའི་རྡུལ་གྱི་མཚོ།།གནམ་སའི་ཐག་ཁུག་ཆད་པའི་ཉི་མ་དེ།།གསེར་གྱི་ཆིངས་ཡིག་བསུབ་པའི་དུས་འགྱུར་རེད།།མ་སྲུའི་གནས་ར་ཁྱེར་བའི་རྐུན་པོ་སུ།།ཕུ་ནུའི་མདའ་ར་གཏོར་བའི་གཏེ་བོ་སུ།།མདུང་རིང་ཆུ་ཞགས་འདྲ་བའི་དངོ་མདངས་ན།།རིག་པ་ལྕགས་ལྟར་བསྒྲིམ་པའི་ཕོ་རྒོད་ཀྱེ།། གནམ་