དུ་བ། གསེར་རྟ། དབུས་དང་ལྷ་ས་ཟེར་བའི་སྨོན་ལམ་དེའི།།ཁྱོད་ཀྱི་མགུར་ལ་གཙང་པོ་མདུད་དགོས་བྱུང་།།གཙང་པོའི་ངོགས་ཀྱི་ཁ་བའི་རྒྱལ་ཁབ་ནི།།རྨི་ལམ་དུ་མའི་སྣོལ་མཚམས་དང་པོ་སྟེ།།མི་རབས་ཤིག་གི་སྙིང་མགོ་རིལ་རིལ་དང་།།དེ་ཚོའི་ཁོག་པའི་སྐྱོ་གདུང་ལོག་ལོག་རེད།།སྐབས་དེར་ཁྱོད་ནི་མཆིན་པའི་ལྕགས་སྒོ་ཡིན།།རྨི་ལམ་དཀྲོགས་པའི་ལེ་འུ་དང་པོ་ཡིན།།ཧི་མ་ལ་ཡི་ཕ་རོལ་ཚུ་རོལ་ནི།།ཤི་གསོན་གཉིས་ཀྱི་འགག་འཕྲེང་དོག་མོ་སྟེ།།ལྕགས་ནག་སེར་བའི་མི་རྟ་བྱེ་བ་ཡིས།།རྨུག་པའི་རྡུལ་མང་སྤྲུགས་པའི་རྒྱལ་ཁབ་ནི།།མེ་ལོང་ཞིག

དུར་རྐང་། གསེར་རྟ། ཤེལ་སྒོའི་ནང་ནས་མེ་ཏོག་བཏུས་པ་དེ།།དཔྱིད་ཀ་རེ་ལ་ཕྱི་མ་དྲན་པ་དེ།།ཁང་སྟོང་རེ་ནས་གླུ་དབྱངས་ལེན་པ་དེ།།སྐྱེད་ཚལ་ཁྲོད་ནས་འཚོ་བ་བསྣོག་པ་དེ།།བས་མཐའ་རེ་ནས་ཕན་ཚུན་གླེང་བ་དེ།།རྒ་བའི་ལ་ཐང་མཆི་མས་བྲིས་པ་དེ།།སང་ཞོགས་ཁྲོམ་ནས་རྙེད་པར་གྱུར་བ་དེ།།རླུང་གི་མདུད་པར་སྨོན་ལམ་གདབ་མཁན་དེ།།རྨི་ལམ་རེ་ལ་རྨ་ཁ་འདེབ་པ་དེ།།མཚན་མོའི་འདབ་ཁར་ཚོན་རྩི་བྱུག་པ་དེ།།སྐྱིད་ཆུའི་གཞུང་ལ་གྲུ་ཤན་གཏོང་བ་དེ།།མི་རྣམས་རང་སར་གྱེས་དུས་སྤྱིན་པ་དེ།།ཨམ་ཕྲག་ནང་དུ་ཅི་ཞིག་བསྐོང་བ་དེ།།ཁྲུང་ཞུ་མ་ར

དུ་བ། (གསེར་རྟ།) དཔའ་བོའི་མི་རབས་ཤིག་གི་དམག་སྤྱི་ཁྱོད།།སྤྲིན་པའི་ཕར་རྒྱབ་དེད་ནས་གང་དུ་སོང་།།སྤྲིན་པའི་ཕར་རྒྱབ་དེ་ཡི་ཕར་རྒྱབ་ན།།འབྲོང་གི་རྒྱལ་རབས་ཞེས་པ་ཨེ་འདུག་ལགས།།རྟ་ཕོ་རྔ་མདུད་ཅན་དེའི་གོང་ལ་བཅིབས།།གོས་ཆེན་ལྭ་སེར་ཅན་དེ་ཐོག་ཏུ་མནབས།།གཡོན་ལག་སྲབ་མདའ་ཐོག་ཅིང་གཡས་ལག་གིས།།བརྒྱ་ལ་མཚམས་འདྲི་གཏོང་བའི་མི་དེ་དྲན།།ལོ་བརྒྱའི་མཐའ་ནས་བལྟས་ན་སེར་ལམ་མེར།།རི་བོ་གངས་ཀྱི་མཚམས་ནས་མངོན་པ་ཁྱོད།།ཕྱི་ལག་རྒྱབ་ལ་སྤྲད་ནས་ནུབ་མོ་དེར།།ཕྱིར་འོང་མེད་པར་རྟ་ཁ་གཅུ་དོན་ཅི།།ཁྱེད་རང་འགྲོ་ཚུལ

ཟླ་གཞོན།     བོད་འབྱོར། ནམ་འཕང་གཅོད་པའི་བྱ་རྒྱལ་དེ།། རླུང་གི་ཤུགས་ལ་བསྟེན་དགོས་ཀྱི།། མཐའ་བཞི་སྐྱོང་བའི་རྒྱལ་བོ་ཡང་།། འཁོར་དང་ཚོགས་ལ་བསྟེན་དགོས་སོ།། གྲོ་ནས་ཤུན་པའི་དབྱེ་བ་ནི།། རླུང་གི་ནུས་པར་བསྟེན་ནས་འབྱེད།། ལེགས་ཉེས་བདེན་རྫུན་སྒྱུ་མའི་གར།། རང་བློས་བརྟག་ནས་ཚད་མར་སྒྲུབ།། ཚ་བས་གཟིར་བའི་སེམས་ཅན་ཚོགས།། བསིལ་བའི་རླུང་གི་སྐྱིབས་དགོས་ཏེ།། རྨོངས་འཐོམས་སྐྱེ་བོའི་ཕུགས་མདུན་ལ།། གདམས་ངག་ཟབ་མོའི་ལམ་སྟོན་དགོས།། ནགས་ལས་མཆེད་པའི་མེ་སྟག་ཀྱང་།། རླུང་དང་བསྡེབས་ན་ཇེ་

ཟླ་གཞོན།    བོད་འབྱོར། ཨ་ཕ་ལགས། ཡོད་ཚད་རྨི་ལམ་བཞིན། དུས་ཚོད་ཀྱིས་ང་ལ་བརྡབ་གསིག་གཏོང་གིན་འདུག ཕྱིར་དྲན་གྱིས་སེམས་ཁ་གཅུན་ཞིང་འོང་། ངའི་མི་ཚེ་ཡི་རྣང་ཞིང་ན་ནེམ་ནེམ་འཁྱིལ་བའི་ལྗང་མྱུག་དེ། ཁྱེད་ཀྱི་བརྩེ་བར་བརྒྱུས་པའི་བྱང་སེམས་དཀར་བོ་ཡིན། ངའི་མི་ཚེ་ཡི་སྤང་གཞོང་ན་འཁྱུག་གེར་བཞད་པའི་མེ་ཏོག་དེ། ཁྱེད་ཀྱི་གསུང་ཚིག་སྦྲུམ་པའི་གཏམ་རྒྱུད་ཟབ་མོ་ཡིན། ཨ་ཕ་ལགས། ཨ་ཕ་ལགས།  ཁྱེད་རང་གང་ན་བཞུགས། ཁྱེད་མེད་པའི་ལོ་ཟླ་ཅི་འདྲའི་རིང་ལ། ཁྱེད་མེད་པའི་ནམ་ཟླ་ཇི་འདྲའི་འཁྱག་ཨང་།

གཟི་མིག དེ་རིང་ནི་ལྷོ་ཨ་ཧྥེ་རི་ཀའི་མི་རིགས་ནག་པོའི་རང་དབང་བརྩོན་ལེན་དང་། ཞི་བདེ་འཆམ་མཐུན་གྱི་དོན་དུ་སྐུ་ཚེ་འོད་དུ་སྦྲུམ་པའི་དམ་པ་ཞིག་མི་ཡུལ་དང་ཞལ་གྱེས་སོང་བའི་ཉིན་མོ་རེད་ལ།  དེ་རིང་ནི་རང་དབང་ལ་དགའ་ཞིང་། ཞི་བདེ་ལ་སྨོན་པའི་སྐྱེ་བོ་མང་དག་ཅིག་གི་སེམས་སུ་མྱ་ངན་གྱི་ཁ་བ་བབས་པའི་ཉིན་མོ་ཡང་རེད། དམ་པ་ཁོང་མི་ཡུལ་འདིར་སྐྱེས་དུས། ཉི་འོད་ཀྱི་གུར་མ་ཕུབས་ལ། མེ་ཏོག་གི་ཆར་མ་བབས་མོད།  ཁོང་ཉིད་མི་ཡུལ་དང་ཞལ་གྱེས་དུས། སྐྱེ་བོ་ས་ཡ་མང་པོའི་ཡ་ཁོག་དང་མིག་ལྕིབས་ཀྱི་མཐའ་ན་ས

༄༅། །རྟེན་འབྱུང་རིགས་པས་སྲིད་ཞིའི་ཚོས་ཚུལ་ཀུན། །ཀུན་ཏུ་སྟོན་མཛད་རྒྱལ་བ་སྲས་བཅས་གང་། །གང་དག་སྐྱབས་ཀྱི་དམ་པར་ངེས་པའི་ལྷ། །ལྷར་བཅས་སྐྱེ་དགུའི་མགོན་པོ་རྣམས་ལ་འདུད། བློ་རིག་དམན་ཡང་དད་པའི་ས་བོན་དུ། །བཟང་པོའི་ཡོན་ཏན་བགྲང་བའི་བསྟོད་ཚིག་གིས། །ཚུལ་བཞིན་བརྗོད་པ་བསོད་ནམས་ཞིང་ཡིན་པས། །ཁྲིམས་གཙང་དམ་པའི་རྣམ་ཐར་གླེང་ལ་སྤྲོ། །གཞོན་ནུ་བློ་རིག་གསལ་བའི་དམ་པ་དེས། །འཕགས་ཡུལ་ལྷོ་རྒྱུད་ཆོས་གྲྭའི་དགའ་ཚལ་ཆེ། །དཔལ་ལྡན་འབྲས་དཀར་སྤུངས་པའི་བཀྲ་ཤིས་གླིང་། །ཐོག་མར་འཇུག་སྒོའི་མཁས་མང་

—བཛྲ་ཚུལ་ཁྲིམས་རྒྱ་མཚོས། བཀྲ་ཤིས་རྣམ་དཀར་དགེ་ཚོགས་ཀུན་འདུས་པས།།བདེ་ལེགས་འབྲས་བུ་གཡུར་དུ་ཟ་བའི་མཐུ།།བཀྲ་ཤིས་ལུས་ལ་རྫོགས་པའི་མེ་སྤྲེལ་ལོ།།དགེ་ལེགས་འཛུམ་གྱིས་ཚེས་འདི་ཨེ་མ་བསྔགས།།བཀྲ་ཤིས་ཀུན་གྱི་ནང་ནས་བཀྲ་ཤིས་པ།།བཀྲ་ཤིས་ཀུན་རྫོགས་བླ་མའི་སྐུ་བདེ་ཞིང་།།བཀྲ་ཤིས་གསུང་སྙན་གཡས་འཁྱིལ་དུང་གི་སྒྲས།།བཀྲ་ཤིས་ཐུགས་བརྩེ་ཟབ་མོ་མཚོན་འདི་སྐྱིད།།བཀྲ་ཤིས་བདེ་ལེགས་ཁ་ལ་གོམས་པའི་བོད།།བཀྲ་ཤིས་བདེ་ལེགས་སེམས་ལ་གྲུབ་འདོད་ན།།བཀྲ་ཤིས་ཆོས་ལ་བརྩོན་དང་བདེ་འབྱུང་ཞེས།།བཀྲ་ཤིས་གསུང་གིས་སྐྱོང་

_____/རྩམ་སྲས། རྐང་ཐང་འཁར་བ་ལ་ཁེན་པའི་བོད་མི།།འཇའ་འོད་སེར་པོ་དེ་འཛུམ་གྱིས་ཁྱེར་ཏེ།།ས་ལམ་སྐྱ་མོ་ནས་རིམ་པར་བགོམ་ཚེ།།ས་སྒང་ཤར་ནུབ་ཀྱི་སེམས་པ་བསུས་ཡོད།།གངས་རྩེ་ཉི་མ་ཡི་འོད་གུར་ཕུབས་དུས།།ཕྲ་དོག་དམར་ནག་གི་གྱ་གྱུ་ཆེ་བའི།།མུན་པ་འཚབ་འཚུབ་ཀྱི་སྐར་མ་ལྔ་ཚོམ།།སྐར་དར་གྲུ་བཞི་ཁྱོད་ཨུ་ཚུགས་ཆེ་བ།།སྲོལ་རྒྱུན་རུས་གཟེབ་ཀྱི་ཐིག་ལེའི་འོད་སྣུམ།།གསར་དར་ཀླད་ཁྲག་གི་ཉིང་ཁུ་དྭངས་མ།།ཟུང་འཇུག་ཁོང་ཡངས་ཀྱི་ལྟ་བ་གཟས་པོས།།བཙིར་བཙིར་ལྡག་འཇོག་གིས་ཁོག་ཏུ་གཞིབ་ཡོད།། དབུས་ལམ་ཚངས་ཐིག་གི་ངེས་དོན་

      _____/འཇམ་བཟང་། “སྔོན་གྱི་ཐུབ་པ”རྒྱལ་པོའི་སྲས་སུ་འཁྲུངས།།“དུས་ཀྱི་ཐུབ་པ”ཞིང་བའི་བུ་ལ་བྱོན།།རིགས་དང་རུས་ཀྱི་ཆོ་འབྲང་མ་གཅིག་ཀྱང་།།ལམ་གྱི་བདེན་པ་འཚོལ་སྟངས་ཀུན་ནས་མཚུངས།། ཤཱཀྱའི་སྲས་པོས་སྒྱུ་རྩལ་རྩ་བཞི་ཆུབ།།སོ་ནམ་བུ་ལ་གཞུང་བརྒྱའི་གདམ་པ་རྫོགས།།ཧ་ཅང་སྐུ་ན་ཆུང་བའི་བྱིས་དུས་སུ།།མཁྱེན་དཔྱོད་ལྷན་སྐྱེས་མངའ་བ་འདི་ཡང་མཚུངས།།རྒྱལ་ས་སྤངས་ནས་དབེན་པའི་ནགས་སུ་གཤེགས།།སྐུ་ཡུལ་བཞག་ནས་མི་ཡུལ་ཞབས་ཀྱིས་བཅགས།།ཉམ་ཐག་འབངས་ཀྱི་བདེ་སྡུག་གཅིག་པུའི་ཆེད།།ཐུགས་ཀྱིས་ཁུར་ཆེན་བཞེས་པའི་

___མི་རྐྱང་བསེ་རུ། ཟོལ་མེད་བྱམས་བརྩེའི་ཟླ་བ་དཀར་པོས་མུན་པའི་ཁྱོན་ལ་འོད་སྣང་སྦྱིན།།འཇིགས་ཞུམ་བྲལ་བའི་སྤོབས་པའི་གངས་རི་ཁ་བའི་ལྗོངས་ནས་མངོན་པར་འཕགས།།ས་ཡ་དྲུག་གི་བདེ་སྡུག་ཆེད་དུ་གཅེས་པའི་སྐུ་སྲོག་ཕངས་མེད་བཏང་།།ཁྱེད་ཀྱི་མཛད་རྗེས་གསེར་རིའི་ཕྲེང་བ་ང་ཚོས་ཡང་ཡང་མཐོང་བཞིན་ཡོད།།ཁྱེད་སྐུ་ནུབ་པའི་ལོ་ཟླ་འདི་ཚོར་གཡོ་ཅན་ཝ་མོ་ཇེ་མང་རེད།།དུས་འདིར་ཁྱེད་ཉིད་དྲན་པའི་མིག་ཆུ་གཙང་བོ་བཞིན་དུ་བཞུར་གྱིན་ཡོད།།དེང་གི་འཇིག་རྟེན་ཡིད་ཆེས་བྲལ་པའི་སྒྱུ་མའི་ལྟད་མོ་ཇི་བཞིན་རེད།།དུས་ཀྱི་སྒྲོན