གྲུབ་དབང་པདྨ་ལུང་རྟོགས་རྒྱ་མཚོ་འམ་གསེར་རྟ་རིན་པོ་ཆེ་མཆོག་ནི་གངས་ཅན་བོད་ཀྱི་ཤར་ཕྱོགས་མདོ་སྨད་སའི་ཐིག་ལེ་མགོ་ལོག་གསེར་ཐང་མཆོག་གཙང་ཞེས་པར། ཡབ་བསོད་ནམས་རྡོ་རྗེ་དང་ཡུམ་མཐོང་བཟའ་སྒྲོལ་མ་སྐྱིད་གཉིས་ཀྱི་སྲས་སུ་རབ་བྱུང་བཅོ་ལྔའི་ལྕགས་ཡོས་ཟླ་༢་ཚེས་༨་ལ་ངོ་མཚར་བའི་བལྟས་དང་བཅས་སྐུ་བལྟམས། མཚན་ཐོས་པ་དགའ་ཞེས་གསོལ། ཀ་ཐོག་གི་དགོན་ལག་གཞི་ཆེན་དགོན་དུ་ཆོས་སྒོར་ཞུགས་ནས་གཞི་ཆེན་དབོན་པོ་རིན་པོ་ཆེ་ལས་རབ་ཏུ་བྱུང་ཞིང་དགོན་པའི་སྒྲིགས་དང་འདོན་ཆ་རྣམས་ལ་བསླབ་སྦྱངས་མཛད། གཞི་ཆེན་དབོན་པོ་རི