ལྡོང་ཡོན་ཏན་རྒྱ་མཚོ། དཀར་དམར་མེ་ཏོག་བཞད་སའི་གནས་མཆོག་དེར།།ད་ལྟ་ད་རུང་ཁ་བ་འབབ་ལགས་སམ།།རྩི་ཤིང་ནགས་ཚལ་ལྡེམ་པའི་ལུང་གཤོང་དེར།།ད་ལྟ་ད་རུང་བུ་ཡུག་འཚུབ་ལགས་སམ།། རྨ་ཀླུང་ལྷོད་ཀྱིས་འབབ་པའི་ཁུགས་སོ་དེར།།ད་ལྟ་ད་རུང་ཐལ་རྡུལ་འཕྱུར་ལགས་སམ།།འདབ་ཆགས་གྲེ་འགྱུར་སྙན་སའི་གླིང་ག་དེར།།ད་ལྟ་ད་རུང་འུག་སྐད་སྒྲོག་ལགས་སམ།། ཤེས་རིག་དགའ་སྟོན་དར་བའི་ཁོར་ཡུག་དེར།།ད་ལྟ་ད་རུང་བཀའ་ཆད་འབེབ་ལགས་སམ།།ཡང་དག་གཟུངས་གཞུག་འཇོག་སའི་དཀྱིལ་འཁོར་དེར།།ད་ལྟ་ད་རུང་སྒོ་ཟ་བརྒྱབ་ལགས་སམ།། མི་ལོ་སུམ་ཅུའི་གཏམ་