ཤར་གངས་རི་དཀར་པོའི་རྩེ་མོ་ན།།སྤྲིན་དཀར་པོ་གནམ་ལ་སྙེགས་འདྲ་བ།།དེ་མཐོང་བའི་མོད་ལ་བླ་མ་དྲན།།དྲིན་བསམས་ཤིང་བསམས་ཤིང་དད་པ་སྐྱེ།། སྤྲིན་དཀར་པོ་ལྡིང་བའི་ཤར་ཕྱོགས་ན།།འབྲོག་དགེ་ལྡན་རྣམ་པར་རྒྱལ་བ་དེར།།མཚན་བརྗོད་པར་དཀའ་བའི་དྲིན་པོ་ཆེ།།ཕ་བློ་བཟང་གྲགས་པ་ཡབ་སྲས་བཞུགས།། ལམ་རིམ་པ་གཉིས་ཀྱི་རྣལ་འབྱོར་སོགས།།ཆོས་ཟབ་ལ་ཤིན་ཏུ་རྒྱས་པར་གསུངས།།བོད་ཁ་བ་ཅན་གྱི་སྐལ་ལྡན་ལ།།མགོན་ཁྱོད་ཀྱི་བཀའ་དྲིན་བསམ་མི་ཁྱབ།། སྒོས་སྙོམས་ལས་འཛིན་པའི་དགེ་འདུན་གྲུབ།།བློ་ཅུང་ཟད་ཆོས་ལ་ཕྱོགས་པ་འདི།།རྗེ་ཡབ་སྲ