རྨེ་སྤྲུལ་བསྟན་འཛིན་རྒྱ་མཚོ།  འགྲོ་བའི་བསོད་ནམས་མར་ངོའི་ཟླ་བའི་དུས་ཀྱི་འཁོར་ལོའི་དཀྱོགས་མཚམས་ན།།ཀླ་ཀློོའི་དམག་གི་གཡོ་རླབས་འཁྲུགས་པས་རང་བསྟན་ཡིད་འོང་མེ་ཏོག་ཚལ། །ཁྱུར་མིད་བྱས་པའི་ལོ་རྒྱུས་བསམ་བཞིན་དགོན་གོག་ཞིག་རོའི་རྩིག་རྨང་སྟེང་། །གཡོ་མེད་འགྲེང་སྟེ་ཕྱིར་དྲན་ཀློང་ནས་སྔོན་བྱུང་ཆོས་སྲིད་ཆགས་འཇིག་གླེངས། ། གནའ་ཞིག་མཆོག་གསུམ་བླ་མར་བྱེད་པ་ཡི། །པཱ་ལའི་རྒྱལ་རབས་མངའ་ཐང་དར་བའི་དུས། །ཡུལ་འདི་རྟེན་གསུམ་ལྷ་ཁང་འབུམ་ཕྲག་གིས། །ཕྱུར་བུར་གཏམས་པའི་བདེན་དཔང་གཟུགས་ཅན་བཞིན།