ཨ་མེ་རི་ཀའི་ཉེ་རབས་ལོ་རྒྱུས་(སྟོད་ཆ་)བསྒྱུར་པའི་ཟིན་བྲིས། མི་ལ་ཙི་ཙི། དགུ། “ཤེས་རབ་རྒན་པོ།” དེ་ཡང་། ཚྭ་དམ་རྒྱལ་པོའི་སྲས་འཇང་ཕྲུག་གིས་ཐོག་ལག་པས་བཟུང་བས་མིང་ལ་གཡུ་ལྷ་ཐོག་འཛིན་དུ་གྲགས་ཟེར་བའི་གཏམ་རྒྱུད་དེ་འུ་ཚོར་རྒྱུས་ཆེ། འོན་ཀྱང་ཨ་མེ་རི་ཀའི་ཧྥུ་རན་ཁི་ལིན་ཟེར་བ་དེས། དངོས་སུ་ཐོག་ལག་པས་བཟུང་སྟེ་འཛམ་གླིང་ཁ་གདངས་མིག་ཅེར་དུ་བཏང་བ་རེད། འུ་ཚོས་རིམ་པར་བལྟ་ཡོང་། 1753ལོའི་འབྲུག་ལྡིར་གློག་འཁྱུག་གི་ཉིན་ཞིག །འཆི་རྒྱུར་ཡང་མི་འཚེར་བར། ཧྥུ་རན་ཁི་ལིན་གྱིས་གནམ་གློག་འཛིན་པར་ཚོད

ཨ་མེ་རི་ཀའི་ཉེ་རབས་ལོ་རྒྱུས་(སྟོད་ཆ་)བསྒྱུར་པའི་ཟིན་བྲིས། མི་ལ་ཙི་ཙི། བརྒྱད། ཁ། སྲིད་ཀྱི་བློ་གྲོས། ཝ་ཤེན་ཊིན་གྱི་རྒྱལ་དོན་བློན་ཆེ་འཁུར་དུས། རིམ་བཞིན་རྩིས་དཔོན་ཆེན་མོ་ཧ་མཱེར་ཊན་དང་མེ་ཆུ་ནང་འཕྲད་ལྟར་འགལ་རུང་། ཕྱིས་སུ་འོས་ཤོག་གཅིག་ཙམ་གྱི་བར་ཁྱད་ཕྱེ་སྟེ། སྤྱི་མཐུན་རྒྱལ་ཁབ་ཀྱི་སྲིད་འཛིན་བཞུགས་ཁྲི་དེ་ཐ་ཤལ་པའི་ལག་ཏུ་འཆོར་ཉེན་ཆེ་དུས། ཧ་མཱེར་ཊན་གྱིས་སྒེར་པའི་ཞེ་འཁོན་བསྐྱུངས་ཏེ། རང་གི་འོས་ཤོག་དེ་ཆེད་མངགས་རྗེ་ཧྥོ་སན་ལ་འཕངས། དོན་ལ་དེ་ནི་ཨ་རིའི་ལས་དབང་གཡང་ལས་བསྐྱབས་ཏེ་