དུར་བྱང་། （མགོ་ལོག） ཚན་པ་དང་བོ། ཉིན་འདི་དག་ལ་གནམ་ངོ་རུབ་སྟེ། ཁ་བ་འབབ་པའི་ཚུལ་སྟོན། དེ་ནི་ཡིན་པར་སྣང་སྟེ། གནམ་ལོ་སར་བའི་ཚེས་གཅིག་ཐོན་ལ་ཉེ། གློ་རྡེག་ཏུ། སྔོན་ཆད་སེམས་སོང་བའི་བུ་མོ་ཞིག་དྲན་ཡོང་། མོ་ངའི་སླད་དུ་མཚན་སྨག་གྲངས་མང་བསྐྱལ་ནས་ངུས་པ་དྲན་ཡོང་། མནར་གཅོད་མི་ཐེག་པས་སེམས་རྙི་མོ་འདི། སེམས་པ་སྔོན་ཆད་ཀྱི་མི་ལ་ཕྱོགས་ནས་ལྷོད་ལ་བབས་ཐབས་བྲལ། ངས་མོ་ལ་ལེགས་སྐྱེས་ཅི་ཡང་སྟེར་མ་མྱོང་མོད། སེམས་སུ་ཕོན་ཆེ་བའི་མེ་ཏོག་ཚོམ་བུ་ཞིག་བཞད་ཡོད།  བརྩེ་དུང་ལ་རྒས་པའི་གོ་རིམ་ཡོད་