དམར་པོའི་གཞུང་ལ་སྡང་བས་མ་བརྩད་ཅིང་། །དབུ་ནག་བོད་ཀྱི་གནས་བབས་མ་བརྗེད་པར། །གཉིས་སྨན་ཞི་བའི་ལམ་སྲོལ་སྟོན་པ་པོ། །དུས་ཀྱི་ཐུབ་པ་ཆེན་པོ་རྒྱལ་གྱུར་ཅིག ། སྲོལ་རྒྱུན་མཁྲེགས་པོའི་ར་བ་ལས་གྲོལ་ཞིང་། །དེང་རབས་སྒེག་མོའི་དབང་དུ་མ་གྱུར་པའི། །གནའ་དེང་གཉིས་ཀྱི་དབུས་ལ་གནས་པ་ཡི། །དུས་ཀྱི་ཐུབ་པ་ཆེན་པོ་རྒྱལ་གྱུར་ཅིག །ཁ་ཆེ་ཧིན་རྡུ་ཡེ་ཤུ་མ་ཤི་སོགས། །མུ་སྟེགས་པ་ཞེས་བསྡིག་པར་མ་མཛད་ལ། །རང་གཞན་གྲུབ་མཐའི་ཆགས་སྡང་རབ་སྤངས་པས། །དུས་ཀྱི་ཐུབ་པ་ཆེན་པོ་རྒྱལ་གྱུར་ཅིག ། འདུལ་ལུང་སྡེ་བཞིའི་སྙིང