གཉན།
རྡུལ་རྣམས་འཇགས་པར་བྱེད་པའི་ཆུ།
གང་ས་གང་དུ་ལྡང་བའི་དུས་བཞིའི་དྲི་བཞོན།
སེང་ལྡེང་ནགས་ཀྱི་ལོ་མའི་མཉེས་གཤིན།
ནམ་ཡང་ཞི་བར་གནས་པའི་རྩ་དབུ་མ།
མ་རིག་པ་བཏུལ་བའི་བརྡ་དཀྲོལ་དང་ངག་སྒྲོན།
ཐུན་མོང་མ་ཡིན་པའི་ཡུལ་བསིལ་བའི་ཚལ།
ཕྲ་ཕུང་མང་པོ་མང་པོའི་སྲོག་གི་གདངས་རྩོམ་མཁན།
རྨི་ལམ་སྒྱུ་མ་དབུ་བ་ཟིལ་པ་རྣམས་ཀྱི་ཕོ་ཉ།
མིག་གི་ནང་རོལ་ཏུ་སད་པའི་ཡེ་ཤེས་ཀྱི་སྤྱན་རླབས་པོ་ཆེ།
མི་སྡུག་པའི་སྲ་མཁྲེགས་རྣམས་ཞི་བསིལ་གྱི་བདེ་བ་ཅན་དུ་བཏང་།
མ་མཉེས་པའི་སྐྱོ་བ་དག་དགའ་བའི་ཡུལ་དུ་བསྐྱལ།
དསང་བའི་ཕྲ་རབ་དང་ཉིང་རྡུལ་རྣམས་གསེད་བྱེད་ཀྱི་རྫས་ཀྱི་ཕ་རྒན།
རྟག་པར་ཁྱོད་ནི་གནམ་རི་དང་སྐྱེད་ཚལ་དང་ཉི་འོད་ཀྱི་ཚབ་ཏུ།
འདི་ག་ན་ལྷུན་ནེར་ལྷང་ངེར་དངོས་སུ་སྦྲུམ་འདུག་པ་དེའོ།
༢༠༡༦ ༥ ༡༠
