སྡེ་དགེའི་རྣོ་ངར།
ལ་ཁའི་སྐར་མ་དུམ་གཅིག་ཚུར་འཕྲོས་ནས།།
བདག་ཡིད་བཙན་ཚུགས་ངང་དུ་དེད་པ་ན།།
ཕར་གའི་རི་དང་མདུན་གྱི་ལམ་ཐེམ་དག།
སྐྱིད་སྡུག་ལས་ཀྱི་ཟིལ་ཤུགས་མཆེད་ས་ཡིན།།
སྐྱོ་གདུང་འགམ་པའི་མིག་གི་རྡོག་པོ་ནི།།
ཆུ་རིས་སྲད་མ་བཏུ་བའི་འདབ་ཆགས་ཏེ།།
སྨུག་བུན་བྲེད་པས་སྒུལ་བའི་སྔུན་རྒྱབ་དེར།
མཐའ་ཡས་རྒྱ་མཚོ་མང་པོ་འཁྱུལ་བར་བྱེད།།
ཆར་བ་གློ་བུར་བབ་པས་ལུས་སེམས་གསེད།།
ཤག་གི་རྩིག་ངོས་ཆུ་ཡིས་གད་བརྡར་བྱས།།
ཉག་གའི་རྩྭ་དང་ཡང་ན་ནགས་ཚལ་ལ།།
མྱ་ངན་ཅི་མིན་སྙམ་པས་ངུར་བ་འཐེན།།
སྤྲིན་པ་ནག་ནག་མཁའ་གྲུ་ཞོན་ཏེ་ཡོང་།།
ཟླ་བའི་སྤྱན་གྱི་ཁུགས་པ་ཚལ་བར་གཏོར།།
རླུང་དང་འུར་མ་སྣ་ཚོགས་འཕྲོ་མཐུད་དེ།།
གཡེར་ཁའི་འཁྲིས་སུ་སྐད་ཆ་འདྲ་མིན་གཡུག།
ཕྱི་ལོ་༢༠༡༧ཕྱི་ཟླ་༥ཚེས་༢༩ཉིན།
