༄༅། །རྒྱལ་པོ་མཆོག་དང༌། ནོ་བྷེལ་ཞི་བདེའི་གཟེངས་རྟགས་ཚོགས་ཆུང༌། སྤུན་གྲོགས་ཕོ་མོ་ལྷན་རྒྱས་བཅས་ལ། ད་ཉིན་ངོས་རང་འདི་གར་ཁྱེད་རྣམ་པའི་སར་ནོ་བྷེལ་ཞི་བདེའི་གཟེངས་བསྟོད་ལེན་པར་ཡོང་རྒྱུ་བྱུང་བར་དགའ་ཚོར་ཆེན་པོ་བྱུང༌། ཁྱེད་རྣམ་པས་བོད་ནས་ཡོང་བའི་གྲྭ་པ་སྙོམ་ཆུང་ཞིག་ལ་གལ་ཆེའི་གཟེངས་བསྟོད་འདི་འདྲ་ཞིག་གནང་བ་དེས་ངོས་རང་ལ་ཆེ་མཐོང་གི་ཚོར་བ་དང༌། སེམས་འགུལ་གཏིང་ཟབ་ཐེབས་བྱུང༌། ངོས་རང་དམིགས་བསལ་ཅན་གྱི་མི་ཞིག་མིན་ནའང་གཟེངས་བསྟོད་འདིས་ངོས་ནས་སངས་རྒྱས་བཅོམ་ལྡན་འདས་དང༌།

༄༅།།གཤམ་གསལ་རྣམས་༸གོང་ས་༸སྐྱབས་མགོན་ཆེན་པོ་མཆོག་གི་རྒྱ་གར་དང་ཕྱི་རྒྱལ་ཡུལ་གྲུ་ཁག་གི་མཛད་འཆར་ཡིན། འདིའི་ཁོངས་མཛད་རིམ་མང་ཆེ་བར་འཛུལ་ཞུགས་བྱེད་པར་ཆོས་ཞུའི་ལག་ཁྱེར་ཀྲི་ཀ་སི་(Tickets)དགོས་ཀྱི་ཡོད།  ལག་ཁྱེར་དང་འབྲེལ་བའི་ཞིབ་ཕྲའི་གནས་ཚུལ་མཛད་རིམ་གོ་སྒྲིག་ཞུ་མཁན་ཚོགས་སྒེར་སོ་སོར་ཐད་ཀར་འབྲེལ་བ་ཞུ་དགོས། སྤྱིར་བཏང་རྒྱ་གར་ནང་གི་མཛད་རིམ་རྣམས་མང་ཆེ་བ་རིན་མེད་ཡིན་ལ། ཕྱི་རྒྱལ་ཡུལ་གྲུ་ཁག་ཏུ་འཚོགས་རྒྱུའི་མཛད་རིམ་རྣམས་མང་ཆེ་བར་ཆོས་ཞུའི་ལག་ཁྱེར་ཉོ་དགོས་ཀྱི་ཡོད། ཐུགས་སྣང་གནང་དགོས་པར་༸གོང་ས་༸སྐྱབས་མགོན་ཆེན་པོ་མཆོག་ནས་རྣམ་ཀུན་ནས་བཀའ་སློབ་དང་གསུང་ཆོས་སོགས་ལ་སྐུ་ཡོན་བཞེས་ཀྱི་མེད། གཤམ་གྱི་ཚེས་གྲངས་དག་དགོས་མཁོར་གཞིགས་ཏེ་འགྱུར་བ་ཐེབས་སྲིད།

__ཡི་དམ་ཚེ་རིང་། ཁྲང་པེ་རི་བོའི་རྒྱ་སྟག་ཁྲ་བོའི་ངར་སྒྲ་དྲན་ཚེ་བྱང་ཁོག་སྟོད་ཀྱི་ལ་རྒྱའི་མཚོ་མོ་དགུང་དུ་འཕྱོ། ། བདུད་རྩིའི་སྨན་ལྗོངས་ཞི་ཧྲོན་པན་ནའི་གླང་ཆེན་མཐོང་དུས་ཞབས་འོག་ས་འཛིན་སྔངས་ཤིང་འདར་བཞིན་འགྲོ་བར་རྩོམ། ། གློ་བུར་ནང་སོག་རྩྭ་ཐང་སྟེང་ནས་རྟ་རྒོད་ཁྲོས་པའི་བང་དང་བཅས་ཏེ་ལྷང་ལྷང་འཚེར་སྐད་ཐོས་པ་ན། ། བདག་གི་སྙིང་དབུས་ཏེ་སེ་ལྷུན་པོར་བག་ལ་ཉལ་པའི་གངས་སེང་དཀར་མོས་གནས་ས་གཡོ་བའི་གཡུ་རལ་གསིག ། དཔྱིད་ཀྱི་དཔལ་མོ་སླེབས་པའི་དུས་སུ་མི་རྟག་སྣོད་ཀྱི་འཇིག་རྟེན་འདི་ཡིས་སྙན་འཇེབས་སྒྲ་དབྱངས་ཉན་པར་སྤྲོ། ། ཐ་དད་རིགས་ཀྱི་འགྲོ་བ་དག་གིས་ལོ་རྒྱུས་མཚོན་པའི་སྙན་རྩོམ་རོལ་དབྱངས་སྤོབས་པའི་གདངས་ཀྱིས་གྱེར་པའི་ཚེ། ། དཔལ་གྱི་ཡོན་ཏན་བླ་ན་འབར་བའི་རྒྱལ་ཁབ་ཅིག་གི་མཛེས་པའི་སྣང་བརྙན་ཕྱིར་རབས་དྲན་པའི་ངོས་སུ་ཕབ། །

ཐུགས་བསྐྱེད་རྡོ་རྗེའི་ལྷུན་པོ། །མི་འགྱུར་དུས་སུ་སྨིན་པའི། ། མཁན་སློབ་ཆོས་གསུམ་འཛོམས་ནས། །བྱིན་རླབས་ཆར་བ་འབེབས་ས། ། འཕགས་མཆོག་སྤྱན་རས་གཟིགས་དབང་། །རྒྱལ་བློན་དགེ་བའི་བཤེས་གཉེན། ། གང་འདུལ་སྤྲུལ་བའི་རོལ་གར། །བསྟན་འགྲོའི་མགོན་སྐྱབས་མཛད་ས། །

སྟོང་མི་འབྱེད་འཇིག་རྟེན་ཞིང་གི །ལྷོ་འཛམ་གླིང་ལས་ཀྱི་ས་བ། ། ལས་དགེ་སྡིག་བླང་དོར་སྟོན་པའི། །རྗེ་ཤཱཀྱ་ཐུབ་པའི་གདུལ་ཞིང་། ། མགོན་མཁས་གྲུབ་ཉི་ཟླ་འབར་བའི། །དཔལ་མཛད་འཕྲིན་ས་ཆེན་ཁྱབ་ཅིང་། ། མ་འགྲོ་དྲུག་ཐར་ལམ་འདྲེན་པའི། །བོད་གངས་ལྗོངས་ཆོས་ཀྱི་རྒྱལ་ཁམས། །

རབ་འབྱམས་ཤེས་བྱའི་ལྷ་ལམ་ཡངས་པའི་ཁྱོན། །རབ་གསལ་མཁྱེན་བརྩེ་ཉི་མ་བྱེ་བའི་གཟིས། ། རབ་མང་བསྐལ་བཟང་རྣམ་དཔྱོད་འདབ་བརྒྱའི་ཚལ། །རབ་ཏུ་བཞད་མཛད་ལྷ་ཁྱོད་བདག་ཡིད་རོལ།། རྒྱལ་ཀུན་མཁྱེན་བརྩེ་སྒྱུ་འཕྲུལ་སྤྱན་རས་གཟིགས། །གཟིགས་པ་དུས་ལས་ཡོལ་མེད་གང་འདུལ་སྤྲུལ། ། སྤྲུལ་བའི་རོལ་གར་མཐའ་བཞིའི་གཡུལ་ལས་རྒྱལ། །༸རྒྱལ་༸པཎ་གསེར་རིའི་སྐྱེ་འཕྲེང་སྲིད་ཞིའི་རྒྱན། ། ཆེས་སྙིགས་ལྔ་བདོའི་བོད་འབངས་དུ་ཁའི་མཚོར། །ཆེས་ཆེར་བྱིང་བ་ལས་སྒྲོལ་ཐུགས་དམ་མཐུ། །