སྤྱིར་བཏང་ནས་བཤད་ན་རྣམ་ཐར་ཞེས་པ་ནི་རྗོད་བྱེད་ཀྱི་དབང་དུ་བྱས་ན་སྐྱེས་བུ་དམ་པའི་མཛད་སྤྱོད་སྟོན་པའི་གཞུང་ངམ་བསྟན་བཅོས་ཤིག་ལ་གོ་དགོས་པ་འདྲ། དེ་ཡང་ཐོག་མར་སྐྱེས་བུ་དམ་པ་ཞེས་པའི་མིང་ཚིག་འདིའི་གོ་དོན་ཤེས་དགོས་པས་སྐྱེས་བུ་དམ་པ་ཞེས་པ་ནི་འགྲོ་དོན་ཆེན་པོ་བྱེད་པའི་ནུས་པ་ཡོད་མཁན་ཞིག་ལ་ཟེར་བ་ཡིན། དེ་ལྟ་བུའི་གང་ཟག་ཞིག་གི་རྣམ་པར་ཐར་པ་འབྲི་བཤད་བྱེད་པ་ལ་ཐུན་མོང་དང་ཐུན་མོང་མ་ཡིན་པའི་སྡེ་ཚན་གཉིས་སུ་དབྱེ་དགོས་པ་ནི་

༄༅། །ན་མོ་གུ་རུ་མཉྫུ་ཤྲི་ཡེ། ། རབ༵་འབྱམས་རྒྱལ་བའི་བརྩེ་ཆེན་ཡེ་ཤེས་སྐུ། ། རབ༵་འབྱམས་གདུལ་བྱའི་མགོན་པོ་སྤྱན་རས་གཟིགས། ། རབ༵་འབྱམས་སྤྲུལ་བའི་སྒྱུ་འཕྲུལ་གངས་ཅན་མགོན། ། རབ༵་འབྱམས་བསྐལ་བརྒྱའི་བར་དུ་སྤྱི་བོས་མཆོད། ། མགོན་དེའི་ཐུགས་བསྐྱེད་ལས་འཁྲུངས་མི་རྗེ་མཆོག ། བདེ་སྲུང་བཀའ་བློན་འབྲོང་ཆུང་དངོས་གྲུབ་པའི། ། ཤེས་འཇོན་ལྷག་བསམ་ཡོན་ཏན་རྒྱ་མཚོ་ཆེའི། ། ཆ་ཤས་ཙམ་ཞིག་བརྗོད་ལ་སྤྲོ་བ་འཕེལ། །

འགྲོ་བ་མིའི་སྤྱི་ཚོགས་ཀྱི་འཕེལ་རིམ་ཁྲོད་དར་རྒུད་སྣ་ཚོགས་ཤིག་བྱུང་དང་འབྱུང་གིན་པ་ནི་ཆོས་ཉིད་ཅིག་ཡིན་མོད། དེ་དག་ལས་ང་ཚོ་གངས་ཅན་པར་མཚོན་ན་ཕྱི་ལོའི་དུས་རབ་ཉི་ཤུ་བའི་དཀྱིལ་ཙམ་ནས་རྒྱ་དམར་སྲིད་གཞུང་གིས་ཆབ་དཔལ་རིག་གསུམ་མི་རིགས་དང་བཅས་པར་དྲག་པོས་གཏོར་བཅོམ་རབ་དང་རིམ་པ་བྱས་པའི་བརྒྱུད་རིམ་ནང་བོད་མི་ཁྲི་འབུམ་མང་བོ་དམར་གསོད་བཏང་བའི་ནང་ནས་བོད་བསྟན་སྲིད་ཀྱི་དོན་དུ་གཅེས་སྲོག་ཕུལ་བའི་སྔོན་གཤེགས་དཔའ་བོ་དབལ་ཤུལ་གསེར་རྟའི་དཔོན་བསྟན་འཛིན་མགོན་ནམ་རིག་འཛིན་དོན་འགྲུབ་ནི།