གངས་མེ་སྟག
གངས་རིའི་རྩིབ་ཀྱི་ཉི་མ་ཡིབ་དུས་ཁྱེད་ནི་དོང་ཞབས་མར་མེ་ཞིག།།
ཅི་ཞིག་གསལ་བའི་དངོས་པོ་ལུས་པའི་སྒྲོན་མེའི་ཁ་ཡི་མེ་སྟག་ཅིག །
ཁ་བའི་ལྗོངས་ལ་ཁངས་ཆར་འབབ་དུས་ཁྱེད་ནི་གྲང་རེག་ཚ་པོ་ཞིག །
ཇི་ལྟར་བྱུང་བ་མ་ཤེས་ལུས་པའི་ཁངས་ཆར་ནང་གི་བུ་ཡུག་ཅིག །
ཤ་བ་ཡུ་མོ་རི་ནས་གཤར་དུས་ཁྱེད་ནི་རི་སྐྱེས་མེ་ཏོག་ཅིག །
སུ་ཡི་སུག་པར་མ་ཐོགས་ལུས་པའི་རི་སྐྱེས་མེ་ཏོག་མཚལ་པོ་ཞིག །
ན་གཞུང་རེ་རེར་ངང་སེར་འབབ་དུས་ཁྱེད་ནི་ན་ཞོལ་ངང་ཆུང་ཞིག །
གང་གི་གྲལ་ལ་མ་ཞུགས་ལུས་པའི་ངང་ཆུང་གསེར་བྱ་རྐང་རིང་ཞིག །
ཕ་ཡུལ་ཟེར་བའི་ལུང་སྟོང་ཆེན་པོ་ཁྱེད་ཀྱི་བསམ་བློའི་དྲི་རྟགས་ཤིག །
མིག་གིས་བལྟས་ཏེ་ལག་པས་བྲིས་པ་སྒྲུབ་པའི་ལུས་ཀྱི་ཕྱག་རྒྱ་ཞིག །
ཕྱི་ལོ་༢༠༡༧ཕྱི་ཟླ་༦ཚེས་༡༩ མཚན་མོར་བྲིས།