༄༅།།གཤམ་གསལ་རྣམས་༸གོང་ས་༸སྐྱབས་མགོན་ཆེན་པོ་མཆོག་གི་རྒྱ་གར་དང་ཕྱི་རྒྱལ་ཡུལ་གྲུ་ཁག་གི་མཛད་འཆར་ཡིན། འདིའི་ཁོངས་མཛད་རིམ་མང་ཆེ་བར་འཛུལ་ཞུགས་བྱེད་པར་ཆོས་ཞུའི་ལག་ཁྱེར་ཀྲི་ཀ་སི་(Tickets)དགོས་ཀྱི་ཡོད། ལག་ཁྱེར་དང་འབྲེལ་བའི་ཞིབ་ཕྲའི་གནས་ཚུལ་མཛད་རིམ་གོ་སྒྲིག་ཞུ་མཁན་ཚོགས་སྒེར་སོ་སོར་ཐད་ཀར་འབྲེལ་བ་ཞུ་དགོས། སྤྱིར་བཏང་རྒྱ་གར་ནང་གི་མཛད་རིམ་རྣམས་མང་ཆེ་བ་རིན་མེད་ཡིན་ལ། ཕྱི་རྒྱལ་ཡུལ་གྲུ་ཁག་ཏུ་འཚོགས་རྒྱུའི་མཛད་རིམ་རྣམས་མང་ཆེ་བར་ཆོས་ཞུའི་ལག་ཁྱེར་ཉོ་དགོས་ཀྱི་ཡོད། ཐུགས་སྣང་གནང་དགོས་པར་༸གོང་ས་༸སྐྱབས་མགོན་ཆེན་པོ་མཆོག་ནས་རྣམ་ཀུན་ནས་བཀའ་སློབ་དང་གསུང་ཆོས་སོགས་ལ་སྐུ་ཡོན་བཞེས་ཀྱི་མེད། གཤམ་གྱི་ཚེས་གྲངས་དག་དགོས་མཁོར་གཞིགས་ཏེ་འགྱུར་བ་ཐེབས་སྲིད།
ཟླ་ ༡ པོ།
ཟླ་ ༡ ཚེས་ ༣༡ ཉིན་རྒྱ་གར་གཞོན་ནུ་ནང་ཆོས་ཚོགས་པས་Youth Buddhist Societyཇི་ལྟར་གསོལ་བ་བཏབ་ལྟར་ཨུཏྟར་པྲ་དེཤ་ Uttar Pradesh མངའ་སྡེའི་ལྷ་བབས་གནས་ Sankisa སུ་མི་མང་གསུང་བཤད་སྩལ་རྒྱུ།
ཟླ་ ༢ པ།
ཟླ་ ༢ ཚེས་ ༡ ཉིན་རྒྱ་གར་གཞོན་ནུ་ནང་ཆོས་ཚོགས་པས་(YBS)ཇི་ལྟར་གསོལ་བ་བཏབ་ལྟར་ཨུཏྟར་པྲ་དེཤ་ Uttar Pradesh མངའ་སྡེའི་ལྷ་བབས་གནས་ Sankisa སུ་ཆེད་དུ་བརྗོད་པའི་ཚོམས་ཀྱི་ཆོས་འབྲེལ་སྩལ་རྒྱུ། ཡིག་ཟམ། hhdlteachingsankisa@gmail.com
ཟླ་ ༢ ཚེས་ ༧ ནས་ ༨ བར་སུད་སི་དང་ལིཀ་ཏེན་སིཌ་ཡན་བོད་རིགས་མི་མང་ནས་ཇི་ལྟར་གསོལ་བ་བཏབ་པ་ལྟར་སུད་སི་གྲོང་ཁྱེར་བྷ་སལ་དུ་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་མགོན་པོ་ཀླུ་སྒྲུབ་ཀྱིས་མཛད་པའི་བྱང་ཆུབ་སེམས་འགྲེལ་དང་། དགེ་བཤེས་གླང་རི་ཐང་པས་མཛད་པའི་བློ་སྦྱོང་ཚིག་བརྒྱད་མའི་གསུང་ཆོས་སྩལ་རྒྱུ་དང་། གཞན་ཡང་། སྤྱན་རས་གཟིགས་འཇིག་རྟེན་དབང་ཕྱུག་གི་བཀའ་དབང་སྩལ་རྒྱུ། འབྲེལ་ཡུལ་དྲ་བྱང་།http://www.dalailama2015.ch/bo/home.html
ཟླ་ ༢ ཚེས་ ༨ ཉིན་རྒྱབ་སུད་སི་དང་ལིཀ་ཏེན་སིཌ་ཡན་བོད་རིགས་མི་མང་ནས་ཇི་ལྟར་གསོལ་བ་བཏབ་པ་ལྟར་སུད་སི་གྲོང་ཁྱེར་བྷ་སལ་དུ་དེང་རབས་འཛམ་གླིང་གི་ཆེད་དུ་ཆོས་དང་མ་འབྲེལ་བའི་བཟང་སྤྱོད་Secular Ethnics for Today’s World ཞེས་པའི་བརྗོད་གཞིའི་ཐོག་མི་མང་གསུང་བཤད་གནང་རྒྱུ། འབྲེལ་ཡུལ་དྲ་བྱང་། http://www.dalailama2015.ch/bo/home.html
ཟླ་ ༢ ཚེས་ ༡༡ ཉིན་རྒྱབ་སྒྲེན་མག་གི་གྲོང་ཁྱེར་ཁོ་པེན་ཧེ་གྷན་དུ་བྷེ་ལ་སན་ཊར་ the Bella Center ཞེས་པའི་ཚོགས་ཁང་དུ་བྱམས་བརྩེ་དང་ཕན་ཚུན་འབྲེལ་ལམ་བརྒྱུད་ནས་སྙིང་སྟོབས་སྤེལ་བ་ Strength Through Compassion and Connection ཞེས་པའི་བརྗོད་གཞིའི་ཐོག་མི་མང་གསུང་བཤད་གནང་རྒྱུ། འབྲེལ་ཡུལ་དྲ་བྱང་། www.dalailama.dk
ཟླ་ ༢ ཚེས་ ༡༢ ཉིན་གཅིག་རིང་སྒྲེན་མག་གི་གྲོང་ཁྱེར་ཁོ་པེན་ཧེ་གྷན་དུ་བྷེ་ལ་སན་ཊར་ the Bella Center ཞེས་པའི་ཚོགས་ཁང་དུ་དགེ་བཤེས་གླང་རི་ཐང་པས་མཛད་པའི་བློ་སྦྱོང་ཚིགས་བརྒྱད་མའི་གསུང་ཆོས་སྩལ་རྒྱུ། འབྲེལ་ཡུལ་དྲ་བྱང་། www.dalailama.dk
ཟླ་ ༣ པ།
ཟླ་ ༣ ཚེས་ ༤ ཉིན་གྱི་ཞོགས་པར་བཞུགས་སྒར་རྡ་རམ་ས་ལའི་ཐེག་ཆེན་ཆོས་གླིང་གཙུག་ལག་ཁང་དུ་བྷེལ་རྗམ་བོད་རིགས་ཚོགས་པ་དང་། ཆིག་སྒྲིལ་ཚོགས་པ། རྡ་ས་ཚོང་པའི་ཚོགས་པ། ལྷ་ས་སྐྱིད་སྡུག། ལྷོ་ཁའི་སྐྱིད་སྡུག་བཅས་ཀྱིས་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ་བརྟན་བཞུགས་འབུལ་རྒྱུ།
ཟླ་ ༣ ཚེས་ ༥ ཞོགས་པ་ཐེག་ཆེན་ཆོས་གླིང་གཙུག་ལག་ཁང་དུ་སྐྱེས་རབས་གསུང་ཆོས་སྩལ་རྒྱུ།
ཟླ་ ༤ བ།
ཟླ་ ༤ ཚེས་ ༡༢ དང་ ༡༣ ཉིན་ཉི་ཧོང་ཊོག་ཡོ་རུ་Showa Joshi Hitomi Hall ཞེས་པའི་ཚོགས་ཁང་དུ་ཤེས་རབ་སྙིང་པོ་དང་། མགོན་པོ་ཀླུ་སྒྲུབ་ཀྱིས་མཛད་པའི་བྱང་ཆུབ་སེམས་འགྲེལ་གྱི་གསུང་ཆོས། སློབ་དཔོན་ཀ་མ་ལ་ཤི་ལས་མཛད་པའི་སྒོམ་རིམ་བར་བ། སྤྱན་རས་གཟིགས་ཀྱི་རྗེས་གནང་བཅས་སྩལ་རྒྱུ། དྲ་བྱང་། www.tibethouse.jp
ཟླ་ ༥ བ།
ཚེས་ ༡༠ ནས་ ༡༣ ཉིན་གྲངས་བཞིའི་རིང་དཔལ་ལྡན་རྒྱུད་སྟོད་གྲྭ་ཚང་དུ་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་གསུང་ཆོས་སྩལ་རྒྱུ་ཡིན་པ་དང་། དེ་ཡང་ཚེས་ ༡༠ ཕྱེད་ཡོལ་ཆུ་ཚོད་ ༡༢།༣༠ ཐོག་སྔོན་འགྲོའི་གསུང་ཆོས་ལ་རྟེན་འབྲེལ་བསྟོད་པ་དང་། ལམ་རིམ་བསྡུས་དོན། ལམ་གཙོ་རྣམ་གསུམ། རྒྱལ་མཆོག་སྐལ་བཟང་རྒྱ་མཚོའི་གསུང་ལྟ་ཁྲིད་དྲན་པ་བཞི་ལྡན་བཅས་ཀྱི་བཤད་ལུང་སྩལ་རྒྱུ་ཡིན་པ་དང་། རྗེས་ཀྱི་ཉིན་གྲངས་ནང་རྒྱུད་ཀྱི་རྒྱལ་པོ་དཔལ་གསང་བ་འདུས་པ་འཕགས་ལུགས་མི་སྐྱོད་རྡེ་རྗེའི་བཀའ་དབང་དང་། ཀུན་འཁྱེན་བླ་མ་འཇམ་དབྱངས་བཞད་པའི་གསུང་བཀའ་རྒྱ་མ་དཔལ་རྡོ་རྗེ་འཇིགས་བྱེད་ཀྱི་རྒྱུད་རྟོག་བདུན་གྱི་མཆན་འགྲེལ་སྙན་བརྒྱུད་རིན་ཆེན་ཕྲེང་བའི་བཤད་ལུང་བཅས་ཀྱི་བཀའ་ཆོས་སྩལ་རྒྱུ།
ཟླ་ ༦ པ།
ཟླ་ ༦ ཚེས་ ༥ ནས་ ༩ ཉིན་ལྔའི་རིང་ཨོ་སི་ཁྲི་ལི་ཡའི་ལེ་ར་ Leura, Blue Mountains, New South Wales, Australia རུ་དཔལ་རྡོ་རྗེ་འཇིགས་བྱེད་ཀྱི་བཀའ་དབང་སྩལ་རྒྱུ། དྲ་བྱང་།www.dalailamainaustralia.org
ཟླ་ ༦ ཚེས་ ༨ ཉིན་ཨོ་སི་ཁྲི་ལི་ཡའི་ལེ་ར་Leuraརུ་བཟོད་སྒོམ་ཉམས་ལེན་གྱི་རྣམ་དཔྱོད་ཅེས་པའི་བརྗོད་གཞིའི་ཐོག་མི་མང་གསུང་བཤད་སྩལ་རྒྱུ། དྲ་བྱང་། www.dalailamainaustralia.org
ཟླ་ ༦ ཚེས་ ༡༡ ཞོགས་པར་ཨོ་སི་ཁྲི་ལི་ཡའི་བྷ་རི་སུ་བྷན་དུ་དད་མོས་སྣ་ཚོགས་ཀྱི་ལས་འགུལ་multi-faith event ཞེས་པར་མཉམ་བཞུགས་གནང་རྒྱུ། དྲ་བྱང་། www.dalailamainaustralia.org
ཟླ་ ༦ ཚེས་ ༡༡ དང་ ༡༢ ཉིན་གཉིས་རིང་ཨོ་སི་ཁྲི་ལི་ཡའི་Brisbane Convention Centerཞེས་པར་མགོན་པོ་ཀླུ་སྒྲུབ་ཀྱིས་མཛད་པའི་དབུ་མ་རིན་ཆེན་ཕྲེང་བའི་གསུང་ཆོས་སྩལ་རྒྱུ། དྲ་བྱང་།www.dalailamainaustralia.org
ཟླ་ ༦ ཚེས་ ༡༢ ཉིན་རྒྱབ་ཨོ་སི་ཁྲི་ལི་ཡའི་བྷ་རི་སུ་བྷན་དུ་ Riverstage ཞེས་པར་སྙིང་རྗེ་ཉམས་ལེན་གྱི་རྣམ་དཔྱོད་Wisdom of Compassion ཅེས་པའི་བརྗོད་གཞིའི་ཐོག་མི་མང་གསུང་བཤད་སྩལ་རྒྱུ། དྲ་བྱང་།www.dalailamainaustralia.org
ཟླ་ ༦ ཚེས་ ༡༤ ཉིན་རྒྱབ་ཨོ་སི་ཁྲི་ལི་ཡའི་ནུབ་ཕྱོགས་ཀྱི་ཕར་ཐཱི་རུ་ཨ་རུས་ན་ཞེས་པར་གཏོང་ལེན་ཉམས་ལེན་གྱི་རྣམ་དཔྱོད་ཅེས་པའི་བརྗོད་གཞིའི་ཐོག་མི་མང་གསུང་བཤད་སྩལ་རྒྱུ། དྲ་བྱང་། www.dalailamainaustralia.org
ཟླ་༦ ཚེས་ ༢༡ ཉིན་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་དགུང་གྲངས་བརྒྱད་ཅུར་ཕེབས་པའི་གྱ་སྟོན་དང་འབྲེལ་དབུས་བོད་མིའི་སྒྲིག་འཛུགས་དང་རི་བོ་དགེ་ལུགས་པ། མདོ་སྨད་ཆོལ་ཁ་བཅས་ཀྱིས་ཐེག་ཆེན་ཆོས་གླིང་གཙུག་ལག་ཁང་དུ་བརྟན་བཞུགས་བསྟར་འབུལ་ཞུ་རྒྱུ།
ཟླ ༦ ཚེས་ ༢༩ ཉིན་དབྱིན་ཡུལ་གྱི་ཨལ་ཌར་ཤཱོཊ་རུ་དབྱིན་ཡུལ་ནང་པའི་མཐུན་ཚོགས་ཀྱིས་ཇི་ལྟར་གསོལ་བ་བཏབ་བཞིན་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་དུས་རབས་ཉེར་གཅིག་པའི་ནང་ཆོས་Buddhism in 21st Century ཞེས་པའི་བརྗོད་གཞིའི་ཐོག་ ESS Stadium ཞེས་པར་མི་མང་བཀའ་སློབ་སྩལ་རྒྱུ། དྲ་བྱང་།www.bccuk.co.uk/bccuk/
ཟླ་ ༧ པ།
ཟླ་ ༧ ཚེས་ ༡ ཉིན་ཨ་རིའི་འབྱོར་ཇི་བྷོའུ་ཤུ་སྲིད་འཛིན་ལྟེ་གནས་ཁང་དང་SMUགཉིས་ཀྱིས་གོ་སྒྲིག་གིས་འཛམ་གླིང་གནས་དོན་ལྷན་ཚོགས་ཀྱི་ཚོགས་ཁང་དུ་བགྲོ་གླེང་ལྷན་ཚོགས་སུ་༧ཞབས་སོར་འཁོད་རྒྱུ། དྲ་བྱང་། www.bushcenter.org
ཚེས་ ༥ ནས་ ༧ བར་ཏཱ་ལའི་བླ་མའི་གྲོགས་པོ་དང་། ཞི་བདེའི་འཚོ་བའི་ལྟེ་གནས། ཨར་ཝིན་ས་ཁུལ་གྱི་ཁ་ལེ་ཧྥོར་ནིས་ཡའི་གཙུག་ལག་མཐོ་སློབ་བཅས་ཀྱིས་ཇི་ལྟར་གསོལ་བ་བཏབ་པ་ལྟར་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ཨ་རིར་ཆིབས་བསྒྱུར་གྱིས་ཁ་ལེ་ཧྥོར་ནིས་ཡའི་ས་གནས་ཨན་ན་ཧེམ་དང་། ཨར་ཝིན་གཉིས་སུ་སྐུའི་དགུང་གྲངས་༨༠ བཞད་པའི་འཁྲུངས་སྐར་མཛད་སྒོ་དང་འབྲེལ་ཧོན་ཌ་ཚོགས་པར་བཀའ་སློབ་དང་མཛད་སྒོ། བཞུགས་མོལ་ཚོགས་འདུ་དང་། དེ་བཞིན་གོ་ལ་རིལ་པོའི་བྱམས་བརྩེའི་སྐོར་གྱི་ཚོགས་འདུ་Global Compassion Summit བཅས་སུ་ཆིབས་བསྒྱུར་བསྐྱང་རྒྱུ། དྲ་བྱང་། www.HHDL80.org
ཚེས་ ༩ ཉིན་བྱང་ཨ་རིའི་བོད་རིགས་སྤྱི་མཐུན་ཚོགས་པས་ཇི་ལྟར་གསོལ་བ་བཏབ་པ་བཞིན་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ the Javits Center ཞེས་པའི་ཚོགས་ཁང་དུ་ཀ་མ་ལ་ཤི་ལས་མཛད་པའི་སྒོམ་རིམ་བར་བའི་གསུང་ཆོས་སྩལ་རྒྱུ།
ཚེས་ ༡༠ ཉིན་གྱི་ཞོགས་པ་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་སྒྲོལ་དཀར་ཚེ་དབང་བཀའ་དྲིན་སྩལ་རྒྱུ་དང་། དེ་རྗེས་བྱང་ཨ་རིའི་བོད་རིགས་དང་། སོག་ཡུལ་ནས་ཕེབས་པའི་ནང་པ་དང་། ར་ཤི་ཡའི་བྷུར་ཡ་ཊི་དང་ཁལ་མུག ཐུ་ཝ་བཅས་ནས་ཕེབས་པའི་ནང་པ། དེ་བཞིན་འབྲུག་དང་ཧི་མ་ལ་ཡའི་རི་རྒྱུད་ཀྱི་མི་རིགས། རྒྱ་གར། བལ་ཡུལ་བཅས་ནས་ཕེབས་པའི་ནང་པ་ཚོས་༧གོང་ས་མཆོག་ལ་བརྟན་བཞུགས་བསྟར་འབུལ་ཞུ་རྒྱུ། དྲ་བྱང་།www.dalailamabirthday.net
ཚེས་ ༡༠ ཉིན་རྒྱབ་ the Javits Center ཞེས་པའི་ཚོགས་ཁང་དུ་བྱང་ཨ་རིའི་བོད་རིགས་དང་། སོག་ཡུལ་ནས་ཕེབས་པའི་ནང་པ་དང་། ར་ཤི་ཡའི་བྷུར་ཡ་ཊི་དང་ཁལ་མུག ཐུ་ཝ་བཅས་ནས་ཕེབས་པའི་ནང་པ། དེ་བཞིན་འབྲུག་དང་ཧི་མ་ལ་ཡའི་རི་རྒྱུད་ཀྱི་མི་རིགས། རྒྱ་གར། བལ་ཡུལ་བཅས་ནས་ཕེབས་པའི་ནང་པ་ཚོས་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་དགུང་གྲངས་ ༨༠ བཞད་པའི་སྐུ་འཁྲུངས་ཉིན་བཀའ་དྲིན་རྗེས་དྲན་གྱི་མཛད་སྒོ་ཚོགས་རྒྱུ། དྲ་བྱང་།www.dalailamabirthday.net
ཟླ་ ༩ པ།
ཚེས་ ༧ ནས་ ༡༠ བར་ཀོ་རུ་ཡ་དང་མ་ལེ་ཞིས་ཡ། སང་གྷ་པོར། ཐའེ་ལན་ཊི། ཝེ་ཏུ་ནམ་སོགས་ལྷོ་ཤར་ཨེ་ཤ་ཡའི་དད་ལྡན་ཆོས་ཞུ་པར་ཐེག་ཆེན་ཆོས་གླིང་གཙུག་ལག་ཁང་དུ་སྤྱོད་འཇུག་ཆེན་མོའི་གསུང་ཆོས་འཕྲོ་སྐྱོང་གནང་རྒྱུ།
ཟླ་ ༡༠ པ།
ཚེས་ ༡ ནས་ ༤ བར་ཐའེ་ཝན་ནས་ཕེབས་པའི་དད་ལྡན་ཆོས་ཞུ་བར་ཐེག་ཆེན་ཆོས་གླིང་གཙུག་ལག་ཁང་དུ་གསུང་ཆོས་སྩལ་རྒྱུ།
ཚེས་ ༡༧ ནས་ ༡༩ བར་༧གོང་ས་མཆོག་གིས་ཨ་རིའི་སི་ལེ་ཊི་གྲོང་ཁྱེར་ནང་Salt Lake City ཕྱི་ལོ་ ༢༠༡༥ ལོའི་འཛམ་གླིང་ཆོས་ལུགས་པའི་གྲོས་ཚོགས་སུ་བྱམས་སྙིང་རྗེ་དང་ཞི་བདེ། དྲང་བདེན་སོགས་མིའི་རིགས་ཀྱི་སེམས་ཁམས་སྐོར་ནས་གསུང་བཤད་གནང་རྒྱུ་དང་། དེ་རྗེས་ཚ་ཡི་ཕོ་བྲང་ཚོགས་ཆེན་གྱི་ལྟེ་གནས་སུ་དགོང་ལོ་བརྒྱད་ཅུ་བཞད་པའི་རྟེན་འབྲེལ་མཛད་སྒོར་ཉིན་གུང་ལྗགས་སྨིན་གནང་རྒྱུ། དྲ་བྱང་། www.ParliamentofReligions.org
ཚེས་ ༡༨ ཉིན་ཨ་རི་སི་ལེ་ཊི་གྲོང་ཁྱེར་ནང་ཨུས་ཐྲ་བོད་ཀྱི་ཐེབས་རྩ་Utah Tibet Foundation དང་ཨུས་ཐྲ་གཙུག་ལག་སློབ་གཉེར་ཁང་University of Utah ཟུང་འབྲེལ་གྱིས་གསོལ་འདེབས་གོ་སྒྲིག་ཞུས་པ་ལྟར་སྙིང་རྗེ་དང་ཀུན་ཁྱབ་འགན་འཁྲི་( Compassion and Universal Responsibility ) ཞེས་པའི་བརྗོད་གཞིའི་ཐོག་མི་མང་གསུང་བཤད་གནང་རྒྱུ།
ཟླ་ ༡༢ བ།
ཚེས་ ༢༠ ནས་ ༢༣ བར་རྒྱ་གར་ལྷོ་ཕྱོགས་ཀར་ཎ་ཀྲ་ཀ་བྷེ་ལ་ཀོབ་པེ་རུ་ཡོད་པའི་བཀྲ་ཤིས་ལྷུན་པོ་དགོན་པ་རུ་རབ་གནས་དང་གསུང་ཆོས་སྩལ་རྒྱུ་དང་། དེ་ཡང་ཚེས་ ༢༠ ཉིན་ལྷ་ཁང་གསར་བ་དབུ་འབྱེད་རབ་གནས་དང་། ཚེས་ ༢༡ ནས་ ༢༣ བར་སློབ་དཔོན་ཆོས་གྲགས་ཀྱིས་མཛད་པའི་ཚད་མ་རྣམ་འགྲེལ་གྱི་གསུང་ཆོས་སྩལ་རྒྱུ།
ཚེས་ ༢༤ ནས་ ༢༨ བར་བཀྲ་ཤིས་ལྷུན་པོ་དགོན་པ་རུ་གླིང་མཆོག་སྤྲུལ་རིན་པོ་ཆེ་དང་དགའ་ལྡན་ཤར་རྩེ་གྲྭ་གཉིས་ནས་ཇི་ལྟར་གསོལ་བ་བཏབ་པ་ལྟར་ལམ་རིམ་འཁྲིད་ཆེན་བཅོ་བརྒྱད་ཀྱི་གསུང་ཆོས་སྩལ་རྒྱུ། དྲ་བྱང་། //www.jangchuplamrim.org and http://www.jangchuplamrim.com
༢༠༡༦
ཕྱི་ལོ་ ༢༠༡༦ ཟླ་ ༡ ཚེས་ ༡༤ ནས་ ༢༥ བར་དབུས་བོད་མིའི་སྒྲིག་འཛུགས་ཀྱིས་ཇི་ལྟར་གསོལ་བ་བཏབ་པ་ལྟར་རྒྱ་གར་གྱི་གནས་མཆོག་རྡོ་རྗེ་གདན་དུ་དུས་འཁོར་དབང་ཆེན་སྩལ་རྒྱུ་དང་། དེ་ཡང་། ཚེས་ ༡༤ ནས་ ༡༦ བར་ཉིན་གསུམ་རིང་༸གོང་ས་༸སྐྱབས་མགོ་ཆེན་པོ་མཆོག་དབུ་བཞུགས་འོག་རྣམ་རྒྱལ་གྲྭ་ཚང་གི་མཁན་གྲྭ་རྣམས་ནས་ས་ཆོག་དང་རྡུལ་མཚོན་གྱི་དཀྱིལ་འཁོར་འབྲི་བཞེངས་སོགས་གནང་རྒྱུ། ཚེས་ ༡༧ ནས་ ༡༩ བར་ཉིན་གསུམ་རིང་སྔ་དྲོ་སྔོན་འགྲོའི་གསུང་ཆོས་སུ་རྒྱལ་སྲས་ཞི་བ་ལྷས་མཛད་པའི་བྱང་ཆུབ་སེམས་དཔའི་སྤྱོད་པ་ལ་འཇུག་པའི་བཀའ་ཆོས་སྩལ་རྒྱུ། ཉིན་རྒྱབ་རྣམ་གྲྭའི་ཆོག་གྲྭ་རྣམས་ནས་མུ་མཐུད་ཆོ་ག་གསུང་འདོན། ཚེས་ ༢༠ ཉིན་རྣམ་རྒྱལ་གྲྭ་ཚང་གིས་དུས་འཁོར་གྱི་མཆོད་གར། ཚེས་ ༢༡ ནས་ ༢༤ བར་ཉིན་རྒྱབ་དུས་འཁོར་དབང་ཆེན་གྱི་དབང་གི་སྟ་གོན་དང་། དབང་དངོས་གཞི་བཅས་གོ་རིམ་བཞིན་བཀའ་དྲིན་ཆེ་རྒྱུ། ཚེས་ ༢༥ ཞོགས་པ་ཚེ་དབང་དང་བརྟན་བཞུགས་འབུལ་རྒྱུ།
