གསེར་རྟའི་དྲ་ཚིགས།
གསེར་རྟའི་དྲ་ཚིགས།
Navigation
  • མདུན་ངོས།
  • ༸གོང་ས་མཆོག་གི་མཛད་འཕྲིན།
    • མཛད་རྣམ།
    • གསུང་འཕྲིན།
    • གསུང་རྩོམ།
    • བཀའ་སློབ།
    • མཛད་འཆར།
  • རྩོམ་རིག
    • སྙན་ངག
    • རང་མོས་སྙན་ངག
    • བསྒྱུར་རྩོམ།
    • བསྟོད་ཚོགས།
    • དཔྱད་རྩོམ།
    • སྒྲུང་རྩོམ།
    • བསླབ་བྱ།
  • སློབ་གསོ།
  • གསར་རྩོམ་སྟེགས་བུ།
  • ལོ་རྒྱུས།
    • རྒྱལ་རབས།
    • ཆོས་འབྱུང་།
    • མཛད་རྣམ།
  • གསར་འགྱུར།
    • རྒྱལ་སྤྱིའི་གསར་འགྱུར།
    • བོད་ཀྱི་གསར་འགྱུར།
  • མི་སྣ་ངོ་སྤྲོད།
  • སྲོལ་རྒྱུན།
  • འབྲེལ་གཏུགས།

འགྲོ་བ་མིའི་ཐོབ་ཐང་ཉན་ཞིབ་སྟེང་རྒྱལ་གཅེས་དཔའ་བོ་མགོ་ལོག་འཇིགས་མེད་ཀྱིས་གཏམ་བཤད་གནང་།

2016-03-26 | སྡེ་ཚན།: གསར་འགྱུར།, བོད་ཀྱི་གསར་འགྱུར།

ཟླ་འདིའི་ཕྱི་ཚེས་ ༡༥ ཉིན། མིག་དམར་ཉིན་བྷེལ་ཇམ་གྱི་རྒྱལ་ས་བྷར་སེལ་ Brussels དུ་རྟེན་གཞི་བྱས་པའི་ཡུ་རོབ་གྲོས་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་གི་ཚན་པ་ཞིག་གིས་གོ་སྒྲིག་འོག བོད་མིའི་འགྲོ་བ་མིའི་ཐོབ་ཐང་གི་གནས་སྟངས་ཉན་ཞིབ་སྟེང་། ཆབ་སྲིད་བཙོན་ཟུར་གྲྭ་མགོ་ལོག་འཇིགས་མེད་ལགས་ཀྱིས་བོད་ནང་གི་བོད་མིའི་འགྲོ་བ་མིའི་ཐོབ་ཐང་གི་གནས་སྟངས་སྐོར་ལ་གཏམ་བཤད་གནང་རྒྱུའི་གོ་སྐབས་ཐོབ་ཡོད་འདུག་ 

tibettimes-2སྐབས་དེར་ཁོང་གིས་གསུང་དོན། ངའི་མིང་ལ་མགོ་ལོག་འཇིགས་མེད་ཟེར། ངའི་སྐྱེས་ཡུལ་བོད་ཆོལ་ཁ་གསུམ་གྱི་ནང་ནས་མདོ་སྨད་ཨ་མདོ་མགོ་ལོག་དབལ་ཤུལ་གསེར་རྟ་ཏོག་ཚ་སྡེ་བ་རེད། ང་ལ་མཚོན་ན་འཚེ་མེད་ཞི་བའི་ལམ་ནས་རང་དབང་དང་། འགྲོ་བ་མིའི་ཐོབ་ཐང་འཐབ་རྩོད་དང་སྲུང་སྐྱོབ་བྱེད་མཁན་ཞིག་དང་གློག་བརྙན་བཟོ་མཁན་ཞིག་ཡིན། ངས་འཇིགས་བྲལ། ཞེས་པའི་དངོས་བྱུང་གློག་བརྙན་ཞིག་བཟོས་ཡོད། དེར་བརྟེན་རྒྱ་ནག་གཞུང་གིས་ང་འཛིན་བཟུང་བཙོན་འཇུག་འོག་མནར་གཅོད་བཏང་བྱུང་། ཞེས་གཏམ་བཤད་མགོ་འཛུགས་གནང་འདུག

སྤྱིར་ཁོང་གིས་འཇིགས་བྲལ་གློག་བརྙན་བཟོས་པ་དང་། ཕྱི་ལོ་ ༢༠༠༨ ལོར་ས་བྱི་ཞི་རྒོལ་ཆེན་མོའི་སྐབས་བླ་བྲང་ཁུལ་དུ་ཞི་རྒོལ་སྐད་འབོད་ནང་མཉམ་ཞུགས་གནང་བར་བརྟེན་རྒྱ་ནག་གཞུང་གིས་ཐེངས་གསུམ་འཛིན་བཟུང་བཙོན་འཇུག་འོག་མནར་གཅོས་མྱངས་ཡོད་འདུག ཕྱི་ལོ་ ༢༠༠༨ ལོར་ཁོང་ཐེངས་དང་པོར་རྒྱ་ནག་གཞུང་གིས་འཛིན་བཟུང་བྱས་ནས་ཉིན་ ༥༡ རིང་མནར་བཅོད་ཚད་མེད་བཏང་འདུག་པ་དང་།

དེ་ཡང་ཁོང་གིས་ཉན་ཞིབ་སྐབས་གསུང་དོན།  ཐེངས་གཅིག་ཉེན་རྟོག་པས་ང་རང་རྐུབ་སྟེགས་ཤིག་གི་ཐོག་ནས་ངའི་རྐང་ལག་བཞི་གར་ལྕགས་ཀྱི་གསེང་ནས་འཛེར་མ་ཤ་གསེང་ལ་ཟུག་འགྲོ་བ་བཞི་བརྒྱབས་རྗེས་རྐང་ལག་བཞི་རྒྱབ་ནས་དམ་པོར་བཅིངས་ནས་གནམ་བཏགས་བྱས་ཏེ། མནར་གཅོད་གཏོང་བ་དང་མཉམ་དུ་ངོ་གདོང་ལ་གློག་འོད་བརྒྱབ་སྟེ་གདོང་པ་བསྲེགས་པ་སོགས་ཀྱི་བཙོན་ལས་བྱས་ཤིང་། ཉེན་རྟོག་པ་ ༡༦ གིས་དགོང་མོའི་ཆུ་ཚོད་ ༩ པ་ཙམ་ནས་གནམ་བཏགས་བྱས་ཏེ། ཞོགས་པའི་ཆུ་ཚོད་ ༧ པ་ཙམ་བར་བཞག་སོང་། དེ་ནི་ང་གནམ་བཏགས་བྱས་པའི་དུས་ཚོད་རིང་ཤོས་དེ་ཡིན། སྐབས་དེར་ང་ལ་རྒྱུན་ལྡན་མིན་པའི་ཚོར་བ་མ་འདྲ་བ་ཞིག་བྱུང་བ་ནི། ངའི་ཁོག་པའི་ཁ་རལ་ཏེ་ངའི་གློ་སྙིང་མཆིན་གསུམ་ཆ་ཚང་ས་ལ་འཐོར་སོང་བསམ་པའི་ཚོར་སྣང་བྱུང་སྟབས། ངས་གཟབ་གཟབ་བྱས་ནས་ས་ལ་བལྟས་སྐབས་ངའི་གློ་སྙིང་གང་ཡང་ས་ལ་འཐོར་མི་འདུག དེ་ལྟར་གནམ་བཏགས་བྱེད་སྟངས་མ་འདྲ་བ་ཐེངས་མ་ ༧ ཙམ་བྱས་སོང་བ་དང་། གཅར་རྡུང་གཏོང་སྟངས་དེའི་རིགས་ཀྱི་ན་ཟུག་ནི་བསམ་ཡུལ་ལས་འདས་པ་ཞིག་རེད། སྐབས་དེར་དྲན་པ་བརྒྱལ་སོང་ན་ཚོར་བ་ཡང་ཉམས་འགྲོ་བར་ངེས་ཀྱང་། མི་སོ་སོའི་རྩ་ཁམས་ཀྱི་ཁྱད་པར་ཞིག་ཡིན་ནམ། ང་ལ་དྲན་པ་འཐོར་ནས་བརྒྱལ་འགྲོ་རྒྱུ་གཏན་ནས་མི་འདུག སྐབས་དེ་དག་ཏུ་ངའི་སྒལ་ཚིགས་དང་། རྐང་ལག མིག་བཅས་ལ་སྐྱོན་ཆེན་པོ་ཤོར་སོང་བ་མ་ཟད། རྩིབ་རུས་ཁ་ཤས་ཀྱང་བཅག་པ་དང་། རྐང་བའི་པུས་མོ་གཉིས་ཀའི་ཚིགས་ཕུད་སོང་བ་སོགས་གཟུགས་པོ་ལ་ཧ་ཅང་སྐྱོན་ཆེན་པོ་བྱས་སོང་བར་བརྟེན། ད་ལྟ་ཡང་གཟུགས་པོ་གྲང་མོ་ཆགས་སྐབས་དེ་སྔོན་བཅག་ཤུལ་གྱི་རྩིབ་རུས་རྣམས་ན་གིན་འདུག་པ་དང་། སྒལ་ཚིགས་ཀྱང་མཚམས་རེར་ན་གིན་འདུག

tibettimes-1མཚམས་རེར་པུས་མོའི་ཚིགས་བུད་འགྲོ་གི་འདུག་པ་སོགས་དཀའ་ངལ་མང་དག་ཅིག་ད་དུང་འབྱུང་བཞིན་འདུག དེ་བཞིན་ཁོ་པ་ཚོས་ང་ལ་མནར་གཅོད་ཚད་མེད་བཏང་རྗེས་སླར་ཡང་ང་འདྲི་གཅོད་ཁང་རེའི་ནང་ཁྲིད་ནས་བསམ་ཚུལ་དྲང་པོ་ཤོད་ཟེར། ངས་ཀྱང་ཁོ་ཚོར་དྲང་པོ་དྲང་བཞག་གི་བསམ་ཚུལ་ཞུས་པ་ཡིན། དེ་ཡང་ངས་ཁོ་པ་ཚོར་དེ་སྔོན་ང་ཉེན་རྟོག་པའི་ལག་ནང་གཅར་རྡུང་གཏང་སར་འགྲོ་མྱོང་མེད་ཀྱང་རྒྱ་གཞུང་ཉེན་རྟོག་པས་མི་ལ་མནར་གཅོད་ཧ་ལས་པ་གཏོང་གི་ཡོད་པ་རེད་ཟེར་བ་གོ་ཐོས་བྱུང་། འོན་ཀྱང་ད་ཐེངས་ང་རང་གིས་དངོས་སུ་མནར་གཅོད་མྱང་བར་བརྟེན། ངས་ཀྱང་ཁྱེད་ཚོར་རང་ཉིད་ཀྱི་བསམ་ཚུལ་དྲང་པོ་ཞུས་ཆོག ང་ཚོ་བོད་ལ་མཚོན་ན་སེམས་ཅན་འབུ་སྲིན་གྲོག་མ་ཚུན་ཆད་ལ་བྱམས་སྐྱོང་བྱ་རྒྱུའི་གོམས་གཤིས་འཇགས་བསྡད་ཡོད་པ་རེད། དེར་བརྟེན་འགྲོ་བ་མི་ལ་ཁྱེད་ཚོ་ལྟར་མནར་གཅོད་གཏང་མི་སྲིད་པ་མ་ཟད། སེམས་ཅན་དུད་འགྲོ་ལའང་ཁྱེད་ཚོས་བྱེད་སྟངས་ལྟར་མནར་གཅོད་གཏང་མི་སྲིད་མོད། དེ་འདྲའི་བོད་མི་རིགས་ཀྱི་བྱམས་བརྩེའི་བཟང་སྤྱོད་དེ་ནི་འགྲོ་བ་ཚང་མར་ཡོད་པའི་བཟང་སྤྱོད་ཅིག་ཡིན་པར་དྲན་པ་ལས། དེ་བོད་མིའི་ཐུན་མོང་མིན་པའི་ཁྱད་ཆོས་ཤིག་ཡིན་པར་ངས་དྲན་མ་མྱོང་ཡང་། ད་ཐེངས་ང་ཁྱེད་ཚོའི་ལག་འོག་ལ་བསླེབས་ནས་བློ་སྐྱེད་གསར་པ་ཞིག་བྱུང་བ་ནི་ང་ཚོ་བོད་མི་རིགས་ནི་གཞན་ལ་མི་སྤྱོད་ལས་འདས་པའི་གནོད་འཚེ་མི་བྱེད་པའི་བྱམས་བརྩེའི་བདག་ཉིད་ཅན་གྱི་མི་རིགས་རྩ་ཆེན་ཞིག་ཡིན་པར་ཤེས་སོང་ལ། བོད་མི་རིགས་ལ་བྱམས་བརྩེ་སོགས་གོམས་གཤིས་བཟང་པོ་འདི་འདྲ་ཞིག་ཡོད་པ་དེ་ནི་ཅིག་བྱས་ན་ང་ཚོ་བོད་མིའི་དབུ་ཁྲིད་༸གོང་ས་༸སྐྱབས་མགོན་ཏཱ་ལའི་བླ་མའི་ཐུགས་རྗེ་དང་བྱིན་རླབས་ཡིན་ལ། བོད་བརྒྱུད་ནང་པ་སངས་རྒྱས་པའི་ཆོས་ལུགས་དང་། བོད་ཀྱི་མེས་པོ་གོང་མ་ཚོའི་བཀའ་དྲིན་ཡང་ཡིན་ངེས་རེད། དེ་བཞིན་ད་ནས་ངོ་མ་ང་ཁྱེད་ཚོ་རྒྱ་མི་གུང་ཁྲན་ཏང་ཟེར་བ་དེ་ལ་ཞེན་པ་རྩ་བ་ལོགས་སོང་། གང་ཡིན་ཞེ་ན། ཁྱེད་ཚོར་བྱམས་བརྩེ་དང་། དྲང་བདེན། ཡ་རབས་སྤྱོད་བཟང་སོགས་འཇིག་རྟེན་གྱི་མིའི་འགྲོ་སྟངས་རྩ་བ་ནས་མི་འདུག དེའི་རྒྱུ་མཚན་ཅི་ཡིན་ངའི་ཤེས་མ་སོང་། དེ་རིང་ཁྱེད་ཚོས་ང་ལ་བསམ་ཚུལ་དྲང་པོ་ཤོད་གསུངས་དུས། ངས་ཀྱང་ང་རང་གི་སེམས་ལ་གང་དྲན་པ་དེ་དྲང་པོ་དྲང་བཞག་བྱས་ཏེ། ཁྱེད་ཚོར་བཤད་པ་ཡིན། ཞེས་སོགས་ཁོང་ཚོར་བཤད་པ་ཡིན། ཁོང་ཚོས་ང་ལ་ཉིན་གྲངས་ ༥༡ དང་། ཉིན་མཚན་བསྡོམས་ཉིན་ཞག་ ༡༠༢ ཙམ་རིང་རྡུང་རྡེག་མནར་གཅོད་ཚད་མེད་བཏང་མཐར་ཀྲུང་དབྱང་ནས་ཡོང་བ་ཡིན། ཟེར་བའི་ཚོགས་པ་ཞིག་སླེབས་སོང་ལ། ཁོང་ཚོས་བདག་ལ་འཇམ་པོའི་རྣམ་འགྱུར་གྱིས་བསླུ་བྲིད་ཀྱི་སྐད་ཆ་གང་མང་བཤད་བྱུང་བར་བརྟེན། སླར་ཡང་ང་ཚོ་བསམ་ཚུལ་མ་མཐུན་པར་ཁ་རྩོད་གང་མང་ཤོར་སོང་།

ཕྱི་ལོ་ ༢༠༠༩ ལོའི་བོད་ཟླ་ ༢ ཚེས་ ༡༦ ཉིན་སླར་ཡང་བསང་ཆུ་རྫོང་གི་ཉེན་རྟོག་པས་ང་འཛིན་བཟུང་ཐེངས་གཉིས་པ་བྱས་ཏེ། ཟླ་ ༣ དང་ཉིན་ ༡༥ ཙམ་ལ་བཀག་ཉར་བྱས་པ་དང་། སྐབས་དེར་ཁོ་པ་ཚོས་ང་ལ་ཉེས་འཛུགས་གཙོ་བོ་ནི་རྒྱལ་ཁབ་ཀྱི་གསང་བ་ཨེ་ཤ་ཡ་རང་དབང་རླུང་འཕྲིན་ལ་ཕྱིར་བསྒྲགས་བྱས་ཏེ། བླ་བྲང་བཀྲ་ཤིས་འཁྱིལ་གྱིས་གཙོས་བོད་ས་ཡོངས་རྫོགས་ན་ཕྱི་ལོ་ ༢༠༠༩ ལོར་ད་དུང་དྲག་གནོན་བྱེད་བཞིན་འདུག་ཅེས་བཤད་ཡོད་ཟེར། བདག་གིས་ཀྱང་དེ་ལྟར་ངས་བཤད་ཡོད། དེ་བདེན་པ་རེད། རྒྱལ་སྲུང་དམག་དཔུང་གིས་མེ་མདའ་བཟུང་། ལྕགས་ཁྲབ་འཁོར་ལོ་བསྐོར་ནས་འཇིགས་སྐུལ་བྱེད་བཞིན་པ་འདི་དག་དྲག་གནོན་མིན་ན་ཅི་རེད། ངས་བདེན་པ་བཤད་ཡོད་ཅེས་སོགས་བཤད་པ་ཡིན། འོན་ཀྱང་སྐབས་དེར་ཁོང་ཚོས་བདག་ལ་དབྱུག་པ་དང་། རྡོག་རྒྱག་མང་པོ་བཏང་སོང་བ་ལས། ལོ་སྔོན་མ་ལྟར་ཧ་ཅང་མནར་གཅོད་རྡུང་རྡེག་ཚབས་ཆེན་བཏང་མ་སོང་།

ཕྱི་ལོ་ ༢༠༡༢ ལོའི་ཟླ་ ༩ ཚེས་ ༢༢ ཉིན་སླར་ཡང་བསང་ཆུ་རྫོང་གི་ཉེན་རྟོག་པས་ང་འཛིན་བཟུང་བྱས་ཏེ། བསང་ཆུ་རྫོང་གི་ཐག་ཉེ་ན་༼བང་དཀར་ཐང་༽མངག་གཏོང་ཁང་ཟེར་བ་ཞིག་ཡོད་པ་དེར་ཁྲིད་སོང་བ་དང་། སྐབས་དེར་ང་ལ་ཉེས་འཛུགས་ཀྱི་གཙོ་བོ་ནི་བོད་ས་ཡོངས་རྫོགས་ལ་མེར་བསྲེགས་དོན་རྐྱེན་གྱི་བཀོད་འདོམས་པ་ཁྱོད་རེད་ཟེར་བ་དང་། རྒྱལ་ཁབ་ཀྱི་གསང་བ་ཕྱི་བསྒྲགས་བྱས་རབས་དང་། སླར་ཡང་དེའི་སྔོན་འཇིགས་བྲལ་གློག་བརྙན་བཟོས་པ་མ་འགྲིགས་རབས་སོགས་ཉེས་འཛུགས་གང་མང་ཞིག་བྱས་བྱུང་བ་དང་། བདག་གིས་ངས་རང་ཉིད་མེར་བསྲེགས་གཏོང་མི་ཐུབ་པར། མི་གཞན་ལ་ཁྱོད་མེར་བསྲེགས་ཐོངས་ཞེས་སྐུལ་སློང་ཇི་ལྟར་བྱེད་རྒྱུ་རེད་དམ། ཁྱོད་ཚོར་རྒྱུ་མཚན་མི་འདུག་ཅེས་སོགས་བཤད་ཀྱང་། ཁོ་པ་ཚོས་ང་ལ་རྡུང་རྡེག་རིགས་ཅི་ཡང་མ་བཏང་བ་མ་ཟད། ད་བར་ཀྲུང་གོའི་རྒྱལ་ཁབ་ཁྱོད་ལ་བཀའ་དྲིན་ཆེ་ཡང་། ཁྱོད་ཀྱིས་བཀའ་དྲིན་ངོས་མ་ཟིན་རབས་དང་། ཕྱི་ཟླ་ ༡༠ ཚེས་ ༡ ཉིན་རྒྱ་གཞུང་གི་རྒྱལ་སྟོན་དུས་ཆེན་ཡིན་པ་དང་། དེ་ཚར་རྗེས་ཁོང་ཚོས་ཁྱོད་ལན་ཀྲོས་ཕན་ཆོད་ཀྱི་དམག་མིའི་སྨན་ཁང་ཞིག་ལ་ཁྲིད་དེ། ཁྱོད་ཀྱི་གཟུགས་པོ་ལ་ན་ཚ་ཡོད་མེད་བརྟག་དཔྱད་ཆེད་ངེས་པར་འགྲོ་དགོས། གལ་ཏེ་ན་ཚ་ཡོད་ཚེ་ཁབ་རེ་རྒྱག་དགོས་སྲིད་པ་རེད་ཅེས་སོགས་ཟེར། བདག་གིས་ང་སྨན་ཁང་ལ་འགྲོ་དགོས་དོན་མེད་རབས་དང་། གལ་ཏེ་སོང་ཡང་དེ་འདྲའི་ས་ཆ་ཐག་རིང་གི་སྨན་ཁང་ནང་འགྲོ་དགོས་དོན་མེད་རབས་སོགས་བཤད་ཀྱང་། ཁོང་ཚོས་སྨན་ཁང་ལ་ངེས་པར་དུ་འགྲོ་དགོས་ཞེས་ཨུ་ཚུགས་བྱེད་སྟངས་དང་། ང་ཁོ་པ་ཚོའི་ལག་ནང་ཡོད་ཀྱང་རྡུང་རྡེག་སོགས་མེད་པར་འཇོག་སྟངས་དང་། ཁོ་པ་ཚོའི་ཚིག་ཟུར་སོགས་གང་ལ་བལྟས་ཀྱང་། ཁོ་ཚོས་དེའི་སྔོན་ནས་ང་གསོད་རྒྱུའི་འཆར་གཞི་གཏན་འབེབས་བྱས་ཟིན་ཡོད་པ་དང་། གསོད་སྟངས་ཀྱང་ང་ལ་སྨན་ལོག་སྤྲད་དེ། གསོད་རྒྱུའི་འཆར་གཞི་ཡོད་པ་ཚང་མ་ངས་ཤེས་སོང་། གཞན་སྐབས་དེར་ཁོང་ཚོས་ཁྱོད་ལ་མི་གསོད་ཀྱི་ནག་ཉེས་ཡོད་རབས་སོགས་ཚིག་ཟུར་ཙམ་ཡང་གླེང་མ་སོང་། ཞེས་སོགས་གསུངས་པ་དང་སྦྲགས།

ཐེངས་འདིར་ཡུ་རོབ་གྲོས་ཚོགས་ལ་ཐུགས་རྗེ་ཆེ་ཞུ་རྒྱུ་པ་མ་ཟད། ཡུ་རོབ་གྲོས་ཚོགས་ནས་རྒྱ་ནག་གཞུང་ལ་བོད་མི་འབྲོག་པ་རྣམས་བཙན་དབང་འོག་གནས་སྤོ་བྱ་རྒྱུ་མཚམས་འཇོག་བྱས་ཏེ་བོད་ནང་དུ་གཞུང་ཚབ་མི་སྣ་དང་གྲོས་ཚོགས་འཐུས་མི། གསར་འགོད་པ་སོགས་འགག་བྱ་མེད་པར་རྟོག་ཞིབ་ཆེད་འགྲོ་སྐྱོད་བྱེད་འཇུག་དགོས་པའི་འབོད་སྐུལ་ཡང་ཞུས་འདུག ཕྱོགས་མཚུངས་བོད་མི་ཆབ་སྲིད་བཙོན་པ་ད་ལྟ་བཙོན་འོག་ཏུ་མྱོང་བཞིན་པ་མི་གྲངས་ ༢༠༠༠ ལྷག་གི་གནས་སྟངས་ཡར་རྒྱས་གཏོང་དགོས་པ་མ་ཟད། མགྱོགས་མྱུར་ཀློད་གྲོལ་གཏོང་དགོས་པའི་རེ་འདུན་ཡང་བཏོན་ཡོད། གཞན་ཡང་སྐབས་དེར་ཁོང་གི་གྲོགས་པོ་ཆབ་སྲིད་བཙོན་པ་ཞོགས་ལྗང་ཡང་མགྱོགས་མྱུར་ཀློད་གྲོལ་གཏོང་དགོས་པའི་རེ་འདུན་བཏོན་ཡོད། དེ་ཡང་ཞོགས་ལྗང་ནི་ཕྱི་ལོ་ ༢༠༡༦ ཟླ་ ༢ ཚེས་ ༡༧ ཉིན་ལོ་གསུམ་གྱི་བཙོན་འཇུག་ཉེས་ཆད་བཏང་ཡོད། ཁོང་གིས་དྲ་རྒྱའི་ཐོག་རེབ་གོང་ཁུལ་དུ་རྒྱ་ནག་གཞུང་གི་དམ་བསྒྲགས་ཆེད་ཉེན་རྟོག་མི་སྣ་ཕོན་ཆེ་འགྲེམས་འཇོག་བྱས་པའི་སྐོར་རྩོམ་ཡིག་སྤེལ་ཡོད།

དེ་ཡང་ཉན་ཞིབ་སྐབས་གོ་སྒྲིག་ཚོགས་ཆུང་གི་ཚོགས་མི་རྒན་གྲས་སྐུ་ཞབས་ལ་སལོ་ Mr Tőkés László མཆོག་གིས་ཉན་ཞིབ་གཙོ་སྐྱོང་གནང་ཡོད་པ་དང་། སྐུ་ཞབས་ཧི་ཝོ་ནེ་ཏི་ Dr Joëlle Hivonnet མཆོག་གིས་གསུངས་དོན། ཉན་ཞིབ་འདིས་ང་ཚོར་སེམས་འགུལ་ཧ་ཅང་ཐེབས་བྱུང་། ང་ཚོས་དངོས་མཐོང་ལག་ཟིན་གྱི་གནས་ཚུལ་ཉན་རྒྱུ་ཧ་ཅང་གལ་ཆེན་པོ་རེད། ཅེས་གསུངས་པ་མ་ཟད། གོ་སྒྲིག་ཚོགས་ཆུང་གི་ཚོགས་མི་རྒན་གྲས་སྐུ་ཞབས་ལ་སལོ་ Mr Tőkés László མཆོག་གིས་གསུངས་དོན། རྒྱ་ནག་དམར་ཤོག་གི་ཁྲིམས་འོག་ཏུ་མི་ཚེ་གང་འདྲ་ཡིན་པ་ངས་ཤེས་ཀྱི་ཡོད། གང་ཡིན་བརྗོད་ན་ང་རང་ཡང་རོ་མེ་ནི་ཡའི་ནང་ཚར་ལོངས་བྱུང་ཡོད། ཅེས་གསུངས།

ཐེངས་འདིར་ཆབ་སྲིད་བཙོན་ཟུར་མགོ་ལོག་འཇིགས་མེད་ལགས་ཀྱིས་ཡུ་རོབ་གྲོས་ཚོགས་ཀྱི་འགྲོ་བ་མིའི་ཐོབ་ཐང་ཚན་པ་འདྲ་མིན་གྱི་འབྲེལ་ཡོད་ལས་བྱེད་དང་འགན་འཛིན་སོགས་མང་དག་གཅིག་དང་མཇལ་རྒྱུའི་གོ་སྐབས་བྱུང་འདུག གཞན་ཡང་མགོ་ལོག་འཇིགས་མེད་ལགས་ཀྱིས་ཕྱི་ཚེས་ ༡༤ ཉིན་གྱི་སྔ་དྲོར་རྒྱལ་སྤྱིའི་ཉེས་ཡངས་ཚོགས་པ་དང་། འགྲོ་བ་མིའི་ཐོབ་ཐང་རྟོག་ཞིབ་ཚོགས་པ། རྒྱལ་སྤྱིའི་འགྲོ་བ་མིའི་ཐོབ་ཐང་སྤྱི་མཐུན་ཚོགས་པ་སོགས་ཀྱི་འབྲེལ་ཡོད་ལས་བྱེད་རྣམས་དང་ཐུག་འཕྲད་ཀྱིས་བོད་མི་རྣམས་ཀྱི་དཀའ་སྡུག་སྐོར་ཞིབ་ཕྲ་གསལ་བཤད་གནང་འདུག དེ་ཉིན་ཕྱེད་ཡོལ་དུ་ཡུ་རོབ་གྲོས་ཚོགས་ཀྱི་ཚོགས་ཁང་ཞིག་ཏུ་བོད་དོན་རྒྱབ་སྐྱོར་བ་རྣམས་ལ་བོད་མིའི་དཀའ་སྡུག་སྐོར་གཏམ་བཤད་སྤེལ་བ་མ་ཟད། འཇིགས་བྲལ་དངོས་བྱུང་གློག་བརྙན་ཡང་བསྟན་འདུག

སྤྱིར་མགོ་ལོག་འཇིགས་མེད་ལགས་ནི་ཕྱི་ལོ་ ༢༠༡༤ ཕྱི་ཟླ་ ༥ ནང་རྒྱ་གར་དུ་འབྱོར་རྗེས་ཕྱི་ལོ་ ༢༠༡༥་ལོར་སུད་སི་གཞུང་གིས་ཁོང་ལ་ཆབ་སྲིད་སྐྱབས་བཅོལ་གྱི་ཐོབ་ཐང་གནང་ཡོད་འདུག ཐེངས་འདིར་ཁོང་གིས་བྷར་སེལ་དུ་བོད་དོན་ཉན་ཞིབ་སོགས་ཀྱི་ཆེད་ཕེབས་ཆེད་མཐུན་འགྱུར་རོགས་རམ་གནང་མཁན་རྒྱལ་སྤྱིའི་བོད་དོན་ལས་འགུལ་ཁང་དང་བྷར་སེལ་སྐུ་ཚབ་དོན་ཁང་གཉིས་ཡིན་འདུག

རྩོམ་ཡིག་འདི་ཐེངས། 9723 བཀླགས་འདུག

2 Responses to "འགྲོ་བ་མིའི་ཐོབ་ཐང་ཉན་ཞིབ་སྟེང་རྒྱལ་གཅེས་དཔའ་བོ་མགོ་ལོག་འཇིགས་མེད་ཀྱིས་གཏམ་བཤད་གནང་།"

  1. སྨོན་ལམ་མཐར་ཕྱིན། says:
    2016-04-08 at 9:20 སྔ་དྲོ།

    གངས་ཅན་གྱི་རྒྱལ་གཅེས་དཔའ་བོ་མཆོག་ཁོང་ལ་སྙིང་ནས་རྗེས་དྲན་དང་། མངོན་པར་བསྟོད་དོ། །

    ལན་འདེབས།
  2. སྨོན་ལམ་མཐར་ཕྱིན། says:
    2016-04-09 at 11:11 སྔ་དྲོ།

    རྒྱལ་གཅེས་དཔའ་བོ་མཆོག་ལ་སྙིང་ནས་གུས་འདུད་ཞུ།

    ལན་འདེབས།

བསམ་ཚུལ་ཕྲིས། མཆན་བསུབ།

སྐུ་ཉིད་ཀྱི་གློག་འཕྲིན་ཁ་བྱང་གཞན་གྱིས་མཐོང་མི་ཐུབ། སྐར་རྟགས་ཅན་རྣམས་ངེས་པར་དུ་སྐོང་དགོས། *

འཚོལ་ཞིབ།

སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་གྱ་སྟོན་སྲུང་བརྩི་གཟབ་རྒྱས་ཞུས་པ།

གསར་རྩོམ་སྟེགས་བུ།

  • མཚན་མོའི་རླུང་།
  • སྙིང་ཁར་བཞད་པའི་མེ་ཏོག དུར་བྱང་།(མགོ་ལོག)
  • སྙིང་ཉེ་བའི་མི།

༈ དབལ་ཤུལ་དཔོན་གྱི་བཀའ་ཡིག

དབལ་ཤུལ་དཔོན་པོ་རིག་འཛིན་དོན་འགྲུབ།

ཡོངས་ཁྱབ་གསལ་བསྒྲགས།

ལོ་རྒྱུས།

  • མདོ་སྨད་མགོ་ལོག་དབལ་ཤུལ་གསེར་རྟའི་ལོ་རྒྱུས་སྙིང་བསྡུས་ངོ་སྤྲོད།
  • རིས་མེད་བསྟན་འགྲོའི་མགོན་སྐྱབས་ཆེན་པོ་ཞིག་སྐུ་གཤེགས་པའི་གནས་ཚུལ།
__མུ་མཐུད་ཀློག་རོགས།

ཀློག་མཁན་མང་ཤོས།

  • ༄༅། །རྡོ་གྲུབ་སྐུ་འཕྲེང་བཞི་བ་ཐུབ་བསྟན་འཕྲིན་ལས་དཔལ་བཟང་བོ་མཆོག་དགོངས་པ་གཞན་དོན་དུ་གཤེགས་པའི་ཡིད་སྐྱོའི་གནས་ཚུལ།
  • ༄༅། །རྡོ་གྲུབ་སྐུ་འཕྲེང་བཞི་བ་ཐུབ་བསྟན་འཕྲིན་ལས་དཔལ་བཟང་བོ་མཆོག་དགོངས་པ་གཞན་དོན་དུ་གཤེགས་པའི་ཡིད་སྐྱོའི་གནས་ཚུལ།
  • ༄༅། །རྡོ་གྲུབ་སྐུ་འཕྲེང་བཞི་བ་ཐུབ་བསྟན་འཕྲིན་ལས་དཔལ་བཟང་བོ་མཆོག་དགོངས་པ་གཞན་དོན་དུ་གཤེགས་པའི་ཡིད་སྐྱོའི་གནས་ཚུལ།

དྲ་ཚིགས་གླིང་།

༸རྒྱལ་བ་རིན་པོ་ཆེ།
བོད་གཞུང་དྲ་རྒྱ།
ཨ་རིའི་བོད་སྐད་རླུང་འཕྲིན།
བོད་ཀྱི་དུས་བབ།
མདོ་སྨད་དྲ་ཚིགས།
སྨོན་ལམ་དྲ་ཚིགས།
གློག་ཀླད་དང་ཁ་པར་ཤེས་བྱ།
བྷི་བྷི་སི་གསར་ཁང་།

པར་མཛོད།

དབལ་ཤུལ་རིག་འཛིན་དོན་གྲུབ་རྗེས་དྲན་མཛད་སྒོ།
དབལ་ཤུལ་རིག་འཛིན་དོན་གྲུབ་རྗེས་དྲན་མཛད་སྒོ།
golog Jigme
golog Jigme
Golog Sertha 1
Golog Sertha 1
Golog Sertha
Golog Sertha
Pema Sangpo
Pema Sangpo
Rekpa Gyatso
Rekpa Gyatso
Sertha
Sertha
Tsoknyi Gyatso
Tsoknyi Gyatso
Walshul Rigzin Dhondup
Walshul Rigzin Dhondup
Zamdong Rinpoche
Zamdong Rinpoche
གསེར་རྟ་ཚུལ་ཁྲིམས་འོད་ཟེར།
གསེར་རྟ་ཚུལ་ཁྲིམས་འོད་ཟེར།
མགོ་ལོག་གསེར་རྟ།
མགོ་ལོག་གསེར་རྟ།
མགོ་ལོག་གསེར་རྟ།
མགོ་ལོག་གསེར་རྟ།
གསེར་རྟ་ཚུལ་ཁྲིམས་འོད་ཟེར།
གསེར་རྟ་ཚུལ་ཁྲིམས་འོད་ཟེར།
Zamdong Rinpoche
Zamdong Rinpoche
Walshul Rigzin Dhondup
Walshul Rigzin Dhondup
Tsoknyi Gyatso
Tsoknyi Gyatso
Sertha
Sertha
Rekpa Gyatso
Rekpa Gyatso
Pema Sangpo
Pema Sangpo
Golog Sertha
Golog Sertha
Golog Sertha 1
Golog Sertha 1
golog Jigme
golog Jigme
20190815_085126
20190815_085126
མཆོད་རྟེན།
མཆོད་རྟེན།
images - Copy
images - Copy
IMG_9634
IMG_9634
mmexport1393844024004 - Copy
དབལ་ཤུལ་གསེར་རྟའི་དཔོན་ཚེ་སྒྲུབ་མགོན།
དབལ་ཤུལ་གསེར་རྟའི་དཔོན་ཚེ་སྒྲུབ་མགོན།
images - Copy
mmexport1488125430371
His-Holiness-Dalia-Lama
Washul Rigzin Dhundup
1

རྩོམ་རིག

  • ༼༼ ཤིས་ཚིགས། ༽༽
  • ༄༅། །ཁམས་གསུམ་ཆོས་ཀྱི་རྒྱལ་པོ་ཤར་རྒྱལ་བ་གཉིས་པ་འཇམ་མགོན་བླ་མ་རྗེ་བཙུན་ཙོང་ཁ་པ་ཆེན་པོའི་རྟོགས་བརྗོད་པད་དཀར་ལྗོན་པའི་ཡལ་འདབ་བརྒྱ་བ་བཞུགས་སོ། །
  • ༄༅།།རྗེ་བླ་མའི་གསུང་དྲང་ངེས་ལེགས་བཤད་སྙིང་བོའི་ཐལ་འགྱུར་བའི་ལུགས་ཀྱི་ཤེས་སྒྲིབ་ངོས་འཛིན་གྱི་གཞུང་གི་དཀའ་གནས་ལས་འཕྲོས་ཏེ་ཅུང་ཟད་དཔྱད་པ།
  • མཚན་མོའི་རླུང་།
__མུ་མཐུད་ཀློག་རོགས།

སློབ་གསོ།

  • ༄༅།།༸གོང་ས་མཆོག་གི་བཀའ་སློབ།
  • ངས་ཀྱང་མི་རིགས་སློབ་གསོའི་སྐོར་གླེང་།
  • ༸གོང་ས་མཆོག་གིས་ལོ་སར་ལ་བསྩལ་པའི་བཀའ་སློབ།
  • དམག ང་ཚོ་མིན་པའི་”ང་ཚོ”། “ང་ཚོས”་ང་ཚོ་མཚོན་མི་ཐུབ།
__མུ་མཐུད་ཀློག་རོགས།

རྩོམ་ཡིག་གསར་ཤོས།

  • ༄༅། །རྡོ་གྲུབ་སྐུ་འཕྲེང་བཞི་བ་ཐུབ་བསྟན་འཕྲིན་ལས་དཔལ་བཟང་བོ་མཆོག་དགོངས་པ་གཞན་དོན་དུ་གཤེགས་པའི་ཡིད་སྐྱོའི་གནས་ཚུལ།
  • ན་གཞོན་རྩོམ་པ་བོ་གངས་སྐྱེས་སྒྲུབ་པ་སྐྱབས་སམ་གངས་མེ་སྟག་གཙོ་བོར་གྱུར་པའི་ཆབ་སྲིད་བཙོན་ཟུར་བཞི་ཚུད་པའི་བོད་མི་ཁག་ཅིག་འཛིན་བཟུང་།
  • མདོ་སྨད་མགོ་ལོག་དབལ་ཤུལ་གསེར་རྟའི་ལོ་རྒྱུས་སྙིང་བསྡུས་ངོ་སྤྲོད།
  • རིས་མེད་བསྟན་འགྲོའི་མགོན་སྐྱབས་ཆེན་པོ་ཞིག་སྐུ་གཤེགས་པའི་གནས་ཚུལ།
  • ༼༼ ཤིས་ཚིགས། ༽༽

༸གོང་ས་མཆོག་གི་བཀའ་སློབ།

IUEkDc_LfKQ
bLY45o6rHm0
-35ZOt0--nQ
gIN-YwUOz0Q
1Ir6EZCRtGM
ePDEZAHzUiE
D-uAmtVrgPc
9XhTUY6_cuc
sq40oBQUDrU
qZjOeMkoGPE
RitRhCKIB6E
qZjOeMkoGPE
OmTLQ4sjMCk
CWSRBKhbTa8

མཁས་དབང་རྣམ་པའི་གསུང་བཤད།

IJWsFrEBqX8
huwmMSPRxYc
8VNfeuB-Ybw
7bNzOa1PUdk
huwmMSPRxYc
Il4b4Bfh0O8
L0Jpvgi3TOk
RyeeGCqV-J4
7iDOe1L2Z70
ZVezjhw2I58
qg_L72a6Kn4
Xu19uzlYNls
StuPMthweRI
hUQsSvfbJAY
MXdf9fDyQI0
Ph7urciNi_Y
DTot8On6uVY
5V0r-qFK0aw
BbdY9ItM3zg
9z9q2K6Lm-w
kCZdsGtPEJ0
XxTz7eqjNO0
YvParbuuip8
ayTSAdUEEZk
lOIm9rcv-q4
hSsUwFGMzHQ

གླུ་གཞས་ཀྱི་འགྱུར་ཁུགས།

https://www.youtube.com
gweXFBD_gng
W4cc8NdMPqM
Fu8hM283Ktw
uHcWGTESNAE
2P7QptkzZIY
owWp_IGsECo
N6r95ulK8XY
f0N98pt3ymY
6Jnj9m97pt4
OyIWn9UrPwY
B8-8gmyCZts
Ic0KNrxbKcw
KIYcc5ZRJFU
rQlkKRAMkms
UYWEpjJetL0

© 2015 དྲ་བའི་བདག་དབང་གསེར་རྟའི་དྲ་ཚིགས་རྩོམ་སྒྲིག་ཁང་ལ་ཡོད། རྩོམ་ཡིག་སྐུར་ས། gologsertha@gmail.com